Mathiew 17:23 - Wëël Jwøk

²³ ni 'näkge gø. 'Ba ki ri dää nïne eno tïŋ maal ki yi thøø.» Ni ö bääge ni päth cwïnyge døc.

Mathiew 17:23 Iomraidhean Croise

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 16:21

Ki mana täge kar kaace nø, Jecu atägö ki man cään bääge ni eni cøøa Jerucalem ni jwør gïï mo thööth ceŋ jaae ki kwääc laam ki dïpööye mo ciik Jwøk, ni nääi, ni cäŋi tïŋ maal ri dää nïne.

Mathiew 17:9

'Ba kanya duuge piny ki bäät kïdi, gena kööm Jecu ni kööe, ni «Kär dee ŋat caannu gïna jootu en jïgø, këël mano tïŋ Wär Dhaanhø maal ki yi thøø.»

Mathiew 20:19

ni cïpge gø ceŋ juurre nee buui, ni pwödi, ni nääi bäät jaadha no odëëdö. 'Ba noo tïme na ri dää nïne eno tïŋ maal ki yi thøø.»

Mathiew 27:63

ni köge, ni «Kwäärö, wïthwa aparwa ki luum dïcuuy manøgø, kanya poode ni kwøw ena köö, ni ‹Køør nïne adäk, a cäŋa ö maal ki yi thøø.›

Maak 8:31

Køøre Jecu atägö ki man pwöny bääge, ni Wär Dhaanhø gïï mo leth mo thööth ojwøre, ni kwieri ya jaae, ki kwääc laam, ki dïpööye mo ciik Jwøk, ni nääi, ni cäŋi ö maal ri dää nïne.

Maak 9:30

Køøre Jecu ki bääge gena tïŋŋö kaace ni ge cøra dï Galili. Ni eni ba many man ŋäyi ya ŋat mørri,

Jøøn 16:6

'Ba kiper mana caana gïï jïïu, beeye ni bëët cwïnynyu ni kïmmö døc en.

Jøøn 2:19

Ni løgi ya Jecu jïge, «Nyagu Øt Jwøk man. 'Ba aani, ødøgø otïŋa maal ki nïne adägö.»