Mathiew 17:22 - Wëël Jwøk

²² 'Ba kanya ö Jecu ki bääge na cooŋge rege kanya ciel dï Galili, ena köö jïge, ni «Wär Dhaanhø ocïp ceŋ jiy,

Mathiew 17:22 Iomraidhean Croise

Mathiew 16:21

Ki mana täge kar kaace nø, Jecu atägö ki man cään bääge ni eni cøøa Jerucalem ni jwør gïï mo thööth ceŋ jaae ki kwääc laam ki dïpööye mo ciik Jwøk, ni nääi, ni cäŋi tïŋ maal ri dää nïne.

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Mathiew 17:12

'Ba a cäänna uuni, ni Ilaaja anø öö, ni kärge gø ŋiiø. 'Ba gïïa met yïthge ki ge atïïcge dëëre. Kaawat manøgø thuwø Wär Dhaanhø gïï mo leth ojwøre ceŋge.»

Mathiew 17:23

ni 'näkge gø. 'Ba ki ri dää nïne eno tïŋ maal ki yi thøø.» Ni ö bääge ni päth cwïnyge døc.

Mathiew 17:9

'Ba kanya duuge piny ki bäät kïdi, gena kööm Jecu ni kööe, ni «Kär dee ŋat caannu gïna jootu en jïgø, këël mano tïŋ Wär Dhaanhø maal ki yi thøø.»

Mathiew 24:10

'Ba kaaca jiy mo thööth odøø cään, ni tïm ŋati man nø ni dëëre ŋeee ŋeeø ki watge maya, ni mänge ki røkge.

Mathiew 26:16

Køøre nø, ena put bëëtö ni määnyö ki jöö man cïp Jecu ceŋ jøøgø ki gø.

Mathiew 26:46

Ööu maal. Ö aaø nø. Neennu, ŋato cïp aani ceŋ nyïïmän kare acäännö ki man ööe.»

Maak 8:31

Køøre Jecu atägö ki man pwöny bääge, ni Wär Dhaanhø gïï mo leth mo thööth ojwøre, ni kwieri ya jaae, ki kwääc laam, ki dïpööye mo ciik Jwøk, ni nääi, ni cäŋi ö maal ri dää nïne.

Luk 24:26

?Aŋø, paa gïïögø na doo pïï dëër Krictø ki man jwør gïï mo leth, ni ci ya ajieme na enønø?»

Luk 24:46

Ni kööe jïge, «Beeye mana näk ogöörö, ni ‹Krictø gïï mo leth ojwøre, 'ba noo tïme na dää nïne, eno ö maal ki yi thøø,

Luk 9:22

Ni kööe, ni «Wär Dhaanhø gïï mo leth mo thööth ojwøre, ni kwieri ya jaae, ki kwääc laam, ki dïpööye mo ciik Jwøk, ni nääi, ni cäŋi tïŋ maal ri dää nïne.»

Luk 9:43

'Ba jiy bëët yïthge athäŋŋö ki teek Jwøk. 'Ba kanya pootge ni yïthge othäŋŋö ki gïïa tïïe bëët, ena köö jï bääge,

Moa Tïïc Nyïïatwieli 7:52

?A nyikuŋ Jwøk mane na kär caar kwäyu? Geni, jøøa køp ööny ŋata mare beer kanya poode anäkge, 'ba uuni nø, ŋatøgø acïbu ceŋ nyïïmän ni 'nägu gø,

1 Körin 11:23

Kiper gïna jooda baŋ Kwäärö beeye na mëëga u thuwø, ni Kwäärö ma Jecu, wääna ö eni na cïbi ceŋ nyïïmän, alwötö ki møø.