Mathiew 16:18 - Wëël Jwøk

¹⁸ 'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Mathiew 16:18 Iomraidhean Croise

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

2 Camiel 18:4

Kanyøgønø, nyeya aköö jïge, ni «Gïna beerra eni ki jïïu jaak, tïïa tïïö.» Køøre nyeya acuŋŋö dhi kiir, ni ö jø lenynyi bëët ni cige wøk ni ge cäädhi na lwaae ma dïpe ki ma kume.

Jööp 38:17

?Aŋø, dhi kal mar kar bëët jwïëc jøøa no othøw anyooth jïrï? ?Aŋø, dhi kal manøgø ni cøl enø anø jootï?

Pwöc Leec Wïc 24:7

Leec wïc kare bäär døc no opöödhö ki wï ŋat mo wïïe känni, ni teeŋ ŋatøgøøni dhee bäŋ wø jaale kar acooŋa.

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 28:6

Eno tïmö ni ena jwïëy man wø cïp ŋøl luup ma adïëri jï jø wø en ŋøl luupi ceŋge, ni tïme ni ena teek jï jø wø dwøk jø leny wøk ki dhi kiir.

Aydheea 38:10

Aani, aana köö, ni «Kara atïmö ni cään ki thøø ni cwiiri 'moa poot nøk. Aani, aana nø mäni ki cwiic kwøw moa daa beedø.»

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Joona 2:6

Aana nilïŋ piny tiet kïte, ni ö pinynyi ni cïëk ree bääta na bäre bäre. 'Ba ï na Wuuö Jwøk, Jwøk mara, aana cäŋï käl wøk ki yi bwörö.

Mathiew 10:2

'Ba nyeŋ nyïïatwieli moa na apaar kurriiø beege ii; mana dïkwøŋ beeye Cayman na cwøl ni Piter, ki coki ma Andaru, ki Jeemeth o Dhebedi, ki coki ma Jøøn,

Mathiew 11:23

?Aŋø, ï na Kapernaam, iï caarø niï doo røønyø maal? Beeye kar ajäla noo leeŋ ïïni yie. Kiper doo naa tïïe moa døøŋŋø na tïïc jïrï, tïïca Cødam, paanøgø doo poodø ni nut këël dïcäŋi en.

Mathiew 18:17

'Ba ni näk mo coku kweer ki man wïny dööt jøøgø, caanï jï jø acooŋ Jwøk. 'Ba ni näk mo eni kweer ki man wïny dwør acooŋ Jwøk thuwø, wär eni tïme ni caala jur mør wala ŋat ajwäk ki jïrï.

Mathiew 4:18

'Ba kanya ö Jecu na cäädhe bäät Puul Galili, eni nyïïmëëe ariiø ajoode, ni beeye Cayman na cwøl ni Piter ki coki ma Andaru, ni ge lëëŋö ka ajääp yi naam, kiper gena dïbïth rec.

Mathiew 7:24

«Kiper manøgønø, jiy bëët mo wø wïny luupa ii, ni tïïcge ge, caala ŋat mo wïïe leer, mo øde ee geer bäät kïdi.

Jøøn 1:42

Ni ööe ni käl gø baŋ Jecu. 'Ba na ö Jecu na neen gø, ena köö, ni «Bee ï, Cayman wär Jøøn. Beer, ïïno cwøl ni Ciipa, wala Piter;» na näk tiere beeye Kïdi.

Moa Tïïc Nyïïatwieli 2:47

Ni ge wø pwøya Jwøk, ni jiy bëët yïthge met ki geni. Ni ö Wuue ni mëën bäät geni ki yïth cääŋŋe bëët ki jø wø piem.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

Moa Tïïc Nyïïatwieli 8:1

'Ba Cøøl ajïëy ki thøw Ectipen. 'Ba dïcäŋöca caarø mo päl atägö dëët jø acooŋ Jwøk moa en yi Jerucalem. Ni ö jiyi ni keethge ni cige wøk bëët yïth mïëc Judia ki Cameria, 'ba beege nyïïatwieli keerge na dööŋ.

1 Körin 15:55

«?Wui, ï na thøø, teek marï en kaa? ?Wui, ï na thøø, kac marï age eni?»

Galeecia 2:9

'Ba na ŋäcge met yi Jwøk mana wëëk aani, Jeemeth ki Ciipa, ki Jøøn, jøøa wäŋŋi ni døøŋŋø kwörge, ceŋwa amakge ki Barnaba ni ge nyootha dwätö jïwa, ni wa doo cøøa baŋ juurre, ni cige baŋ jøøa näk odaŋø.

Epeca 3:10

nee leec wï Jwøk na päl wëëk ŋäc ennø ki køør acooŋ Jwøk jï moa näk ocuumö maalø ki moa jïge da teek maalø.

Epeca 5:32

Gïnögø beeye gïn mo dwøŋ døc mo tiere okwøŋ kan, naa cäänö kaper Krictø ka acooŋ Jwøk.

Köløcia 1:18

Ni beeye eni na Wïc jï dëël na näk acooŋ Jwøk. Ni beeye eni na nut wïlöölö, ni beeye eni na kwøŋ duu wøk ki yi thøø. Kiper manøgø nø, nee nyeŋŋe tïme ni lïëŋŋa eni dï jammi bëët.

1 Timöthi 3:15

kiper noo näk maa ruu, nee bëët dhaanhø mana dee bëëdö ki gø ya acooŋ Jwøk nee ŋäyï, na näk beeye acooŋ Jwøa kwøw, na näk werø, na cuŋ adïëri ree.

1 Timöthi 3:5

?Kiper ni näk ba løny jï dhaanhø ki man pwöny jø paare, a acooŋ Jwøk ogwøk gø nidïï?

Ibaru 12:28

Kiper manøgønø, beerra man dwøgø pwøc jïre kiper mana jïtø ki bura mo ba maar jäŋŋi, ni tïnynyø Jwøk ni ø tïïya gïï wø mïn yie ki ge, ni ø pwøya eni ni yøø wøørø, ni ø lwäär.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 21:14

'Ba kiir paanøgøøni odhïŋe opeedhø ki kïte apaar kurriiø moa cwäc bäätge, ni nyeŋ nyïïatwiet Nyidiel karge paari kurriiø ogöör bäätge.