Mathiew 16:16 - Wëël Jwøk

¹⁶ Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 16:16 Iomraidhean Croise

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Mathiew 1:16

'Ba Jeekap beeye wää Jocep, ni Jocep manøgø beeye cø Meeri, na mii Jecu, Jecu na cwøl ni Krictø.

Mathiew 14:33

Ni ö jøøa en yi jääyi ni wøørge eni, ni köge, na «Adïëri møn, bee ï na O Jwøk møn.»

Mathiew 16:15

'Ba Jecu aköö jïge, «?A uuni, u wø kööu ni aana ŋa?»

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Maak 14:61

'Ba ena lïŋö ni bäŋ gïn mo ee dwøgø. Ni cäŋi ya Kwääy Lammi Mana Dwøŋ pëënynyö, «?Bee ï na Krictø, O Jwø wø pwøc?»

Luk 2:11

Kiper dïcäŋi Pïëmi anywøl jïïu yi po Deebit, ni beeye Krictø na näk Kwäärö.

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 11:27

Ni løgi ya Martha jïre, «Kare møn, Kwäärö, aana jïëy ni beeye ïïni na Krictø na näk O Jwøk, ŋata wäŋŋi ni ööa piny.»

Jøøn 20:31

'Ba moi göör kaper nou jïëyu ni Jecu beeye na Krictø ni näk O Jwøk, kiper nee u jïëyu ki eni ni ŋääthu gø, nou jïtu ki kwøw ki nyeŋŋe.

Jøøn 6:57

Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Jøøn 6:69

Ni ewa ŋäädhö ni jootwa gøøni, ni beeye ïïni na en kur keerï na näk mar Jwøk.»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Moa Tïïc Nyïïatwieli 8:37

Ni kö Pilipi, ni «Ni näk mo ïïno jïëy ki cwïnyï bäre, ï di lwøø.» Ni dwøk gø, ni «Aana jïëy ni Jecu Krictø beeye o Jwøk.»]

Moa Tïïc Nyïïatwieli 9:20

Ni put gïr nyeŋ Jecu køp yïth uut acook lam, ni caana gø, ni Jecu beeye O Jwøk.

Wëëlö Mana Göör Pøølli Baŋ Jø Röm 1:4

Ni beeye eni na nyooth na O Jwøk ni eni teek ki køør Jwïëc Jwøk na en kur keere kanya tïŋi maal ki yi thøø. Ni beeye Jecu Krictø na näk Kwääyø,

2 Körin 1:19

Kiper O Jwøk ma Jecu Krictø na nyeŋŋe wara køpwa dïïu, ni beeye aani, ki Cilbana, ki Timöthi, luumme patha dööti ariiø. 'Ba ki nyeŋŋe wø joota dwøl aciel cooth.

2 Körin 3:3

Ni røgu you nyoodhø ni uuna wëëlö mar Krictø na cïpwa, mo ba göör ka peen, 'ba göör ka Jwïëc Jwøa kwøw, ni paa ogöör bäät opäp kïte, 'ba ogöör bäät opämi moa näk cwïny jiy.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Tiet Ciik 5:26

?Aŋø, a ŋata ŋa dëët jø bäät piny bëët na wïny dwør Jwøa kwøw ni cäänö ki dï maac, kaamar waani na wïny gø, ni poot bëëdö ni kwøw?

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

1 Timöthi 3:15

kiper noo näk maa ruu, nee bëët dhaanhø mana dee bëëdö ki gø ya acooŋ Jwøk nee ŋäyï, na näk beeye acooŋ Jwøa kwøw, na näk werø, na cuŋ adïëri ree.

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

Ibaru 10:31

Beeye gïn mo di lwäärö døc ki man päth dhaanhe cer Jwøa kwøw.

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Ibaru 3:12

Nyïïmera, gwøgu rou nee bäŋe dhaanhø dïïu mo cwïnye jïti ki raay ni tääe, ni gaa wøk cer Jwøa kwøw.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Jøøn 4:15

'Ba ŋat wø jïëc Jecu ni ena O Jwøk, Jwøk wø bëëdö dëëre, ni en dëër Jwøk.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

1 Jøøn 5:5

?Aŋa ni wø bööt piny? Beeye ŋat wø jïëy ni Jecu beeye O Jwøk.

Mana Nyooth 7:2

Kanyøgø nyïïatwiel maal mør ajooda ni ö maal ka jï løø kur tuul-cäŋ, ni cere da ŋïï mar Jwøa kwøw, ni cwøl nyïïatwieta näk aŋween ki dwøl mo päl, geni na wëëk teek ki man raanyge piny ki näpa døøŋŋø.