Mathiew 15:36 - Wëël Jwøk

³⁶ Ni lwør muuga näk abïriiø ki rec. 'Ba kanya nø dwøk met ec, apøte, ni mëëk ge bääŋi. Ni ö bääŋi ni pääŋge ge jï lwaak.

Mathiew 15:36 Iomraidhean Croise

Mathiew 14:19

Kanyøgøøni lwaak aköömme nee pïge piny yi luum. Ni lwør muuga näk abïïc ki reya näk ariiø, ni neen maal ni gwïëth ge, ni pøt muugögø, ni mëëk ge bääge. Ni ö bääge ni pääŋge ge jï lwaak.

Mathiew 15:35

Køøre Jecu lwaak aköömme nee pïge piny.

Luk 22:17

Ni lwöte ka athöödhi. 'Ba na nø dwøk met ec, ena köö, ni «Lwørru gïn, ni pääŋŋu gø dïïu.

Luk 22:19

Ni lwöte ki møø, 'ba na nø dwøk met ec, apøte, ni mëëk gø geni, ni kööe, ni «Man beeye dëëra, na cïp kiperu. Tïïyu gïn, nou para aani.»

Luk 24:30

'Ba kanya en kar cam ki geni, ena lwötö ki møø, ni gwïëth gø, ni pøt gø, ni mëëk gø geni.

Jøøn 6:11

Kanyøgøøni Jecu muunni alwøre. 'Ba na nø dwøk met ec jï Jwøk, apääŋŋe jï jøøa no opï piny, këël rec. Ni rømge bëët kaa mana manyge.

Jøøn 6:23

'Ba da jïëthe mo oöö ki yi Taybiria ni öge kany mo cään ki kanya ö Kwäärö na dwøk met ec jï Jwøk ni camge muunni yie.

Moa Tïïc Nyïïatwieli 27:35

'Ba na nø caan gïnögø, ena lwötö ki møø. 'Ba na nø dwøk met ec jï Jwøk nyïmge bëët, møø apøte ni put tägö ki cam.

Wëëlö Mana Göör Pøølli Baŋ Jø Röm 14:6

Ŋat wø gwøk cäŋ, wø gwøe ni eni wøøra Wuuö. Ni ŋat wø cämö ki teeŋ caammi bëët thuwø, wø cämö ni wøøra Wuuö, ni wø dwøga met ec jï Jwøk. 'Ba ŋat wø ba cämö ki teeŋ caammi bëët, wø poot wøøra Wuuö, ni dwøga met ec jï Jwøk.

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

1 Körin 14:16

?Ni näk paa enøgønø, ni näk miï pwøya Jwøk ki jwïëyï, ŋat mo path okööe nidïï, ni «Enøgønø» ki køør met iï na dwøgï, ni gïïa carï kuue?

1 Camiel 9:13

'Ba kanyo pïïyu dhi kiir mar pääny, eni jootu joodø ni eni poot kär ci kar lam mana en bäät thuur baŋ cam, kiper jiy ba cämö ni eni poot kär pïï, kiper beeye eni wø gwïëth olämme; køøre jiy moa no ocwølø ge cämö nø. 'Ba ennø cou; eni putu ka joot.»