Mathiew 15:28 - Wëël Jwøk

²⁸ Kanyøgø adwøk Jecu jïre, ni «Nyijøøe, ŋäädhe marï dwøŋ. Gïnö ni manynyï enø otïïc jïrï.» Ni ö dëër nyaare ni put døø kare yi caannøgø.

Mathiew 15:28 Iomraidhean Croise

Jööp 13:15

'Ba këël maa nääe nääö, a poot bëëdö naa ŋäätha eni; 'ba ka adïëri møn, luup 'moa poot caana caanø nyïme.

Jööp 23:10

'Ba eni uutjïëthe mo wø caadha bëët ŋääe, ni kany wø pääny aani, a tïmö naa paŋŋi kaamar warkey mo okïth yi maac.

Wëël Kïmmö 3:32

Këël doo kännö ki pänh cwïny bäät dhaanhø, cwïnye poot di bäädhö ki køør mëër mare na päl ni wø ba jøøl.

Mathiew 14:31

Ni ö Jecu ni put cere rwaak baŋe ni mak gø, ni cään gø ni kööe, ni «Nyie, ï ni ŋäädhe marï thiinh en. ?Aŋø ni tääï en?»

Mathiew 15:27

'Ba nyijøøgø aköö, ni «Beeye kare, Kwäärö. 'Ba këël guu wø poot cämö ki thäk caammi mo wø thenh thenh ni wø päth piny kar cam mar kwääcge.»

Mathiew 8:10

'Ba kanya ö Jecu na wïny mare, yie arëëm, ni kööe jï jøøa cäädhö køøre, na «Adïëri møn, a cäänna uuni, ni teeŋ ŋäädhe ma enøgønø poot kära joodø, këël dï jø Icriel.

Mathiew 8:13

Ni kö Jecu jï kwääy tøŋ, ni «Ciï. Otïïc jïrï kaawat mana ŋäädhï.» Ni put dëër laŋŋø jöönnö ki yi caannøce kiree.

Mathiew 9:22

'Ba kanya ö Jecu na løk ree ni neen gøøni, ena köö, «Nyaara, mak cwïnyï. Ŋäädhe marï dëërï awëëk jöönnö.» Ni put dëër nyijøøgø døø kare.

Maak 5:34

Kanyøgø Jecu aköö jïgø, «Nyaara, ŋäädhe marï dëërï awëëk jöönnö. Ciï nø ki met ec. Ŋwellï ba duu dëërï këët.»

Luk 17:5

'Ba kanyøgø nyïïatwieli aköö jï Kwäärö, ni «Meet ŋäädhe marwa.»

Luk 7:50

Ni kö Jecu jï dhaaŋŋøgø, ni «Ŋäädhe marï ïïna pieme. Ciï nø ki met ec.»

Luk 7:9

'Ba na ö Jecu na wïny luum ŋatøgø, yie arëëm, ni løø ree baŋ lwaa cäädhö køøre, ni kööe, na «A cäänna uuni, ni këël dï jø Icriel, teeŋ ŋäädhe ma enøgønø poot kära joodø.»

2 Thecalönika 1:3

'Ba nyïïmera, met ec marwa ba maarwa wec ki man dwøkwa gø jï Jwøk cooth kiperu, ni beeye mana beer ki man tïïcwa gø, kiper mana tïm ŋäädhe maru ni päl, ni ö mëërri maru mana mëërru ki røgu ni meet ree.

1 Camiel 2:30

«Kiper manøgønø, Wuuö Jwøk Jwø Icriel mare acaane ni kööe, ni ‹Ka adïëri møn, aana köö ni dhi øtø marï ki dhi øt kwaru doo bëëdö ni tïïö geni na dïlämme nyïma cooth;› 'ba ennø, Wuuö Jwøk mare acaane ni kööe, ni ‹Gïnögø ba tïïa këët, kiper jø wø wøør aani, ge wøøra wøørø; 'ba jø wø taak aani, ge tïmö ni geno taaø thuwø.