Mathiew 14:9 - Wëël Jwøk

⁹ 'Ba këël na bëëde ni nyeya ma Eerat cwïnye opädhö, ena cïpö ki dwøl nee wï Jøøn mëëk nyilaarøgø, kiper kööŋ mare na nø kööŋe ki gø nyïm wëëlle moe.

Mathiew 14:9 Iomraidhean Croise

Luup Dïpööy 5:2

Kärï laar päth ri cäänö jaak, ni ba läädï ki cwïnyï ki man laarï kööŋ nyïm Jwøk. Kiper Jwøk ena maal niï ena piny. Kiper manøgø nø, beerra man bëëdï niï cara luup mo nøk.

Jeremaya 44:25

Luumma caan Wuuö Jwøki, Jwø Icriel, eni na wïth jammi bëët, beeye en: Uuni ki määru, gïna caannu ki dhøgu awëëgu thur kare ki køør mana tïïyu gø ki ceŋŋu, ni beeye luubö mana caannu na kööu, ni ‹Ka adïëri møn, waani, gïna kööŋwa kipere tïïcwa tïïö, ni beeye ki man cïpwa ko olämme jï Gwanynyø Mar Maal ni kunywa piny ki køøŋø jïre.› 'Ba putu tïïc nø, nou wëëga kööŋ maru thur kare.

Mathiew 14:1

'Ba kar kaaca Eerat na bëën paaci, gïr Jecu awïnynye.

Mathiew 14:10

Ni jääge ki jiy nee wï Jøøn ŋul wøk øt twöc.

Mathiew 14:5

'Ba këël na bëëde ni Eerat manynya man 'näk Jøøn, ena lwäyö ki jiy. Kiper ojïëc jiyi ni Jøøn beeye nyikuŋ Jwøk.

Mathiew 14:8

'Ba yi nyilaarøgø acoon menni, ni kö nyilaarøgø, ni «Mëëk a wï Jøøn na näk dïlööy na nyuudhi kany ennø, ni ena ya athäänh.»

Maak 6:14

'Ba gïnögø awïny nyeya ma Eerat, kiper nyeŋ Jecu atïmö ni ŋäc. 'Ba jø møøk aköö, ni «Jøøn na näk dïlööy na nyuudhi atïŋ maal ki yi thøø. Ni beeye tiere gø ni tïme ni da teek bääte ki man tïïe ki gïï mo rëëma ec enø.»

Maak 6:20

Kiper Eerat lwäär ki Jøøn, ni ŋääe ni Jøøn a dhaanhø mo beer, ni ena dhaanh Jwøk mo ena kur keere, ni bëët Eerati ni gwøga gø. 'Ba kanya wara wïny luum Jøøn, wïïe wø wïïrö, 'ba yie wø poot met thuwø ki man wïny gø.

Maak 6:26

'Ba nyeya cwïnye apädhö døc. 'Ba kiper mana näk eno nø kööŋ nyïm wëëte, ena tïmö ni ba many man wiil luumme na caane jï nyakøønnøgø.

Luk 13:32

Ni kööe jïge, ni «Cou ni caannu gø jï anyaayøce, ni ‹Neenï, a rëëmma wøk ka anäge, naa kunyö ki ŋwiili dïcäŋi ki diøø, 'ba noo tïme na dää nïne, tïïc mara othööra.›

Pïëmme 11:39

'Ba kanya thum dwäde ariiø moøgø, ena duu baŋ wänni, ni ö wänni ni tïïc gïnögø dëër nyaare ki køør kööŋ mare na nø kööŋe ki gø; 'ba eni, ena nyakøø mo dëër dïcwøø poot kuue møn ni kär nywømø. 'Ba gïnögø aput tïmö na kööŋŋö jï jø Icriel,

Pïëmme 21:1

'Ba kar kaaca, jø Icriel onø kööŋ kanya enge Micpa, ni köge, ni «Kär dee dhaanhø dëëtø mo cïpa nyaare jï nyï tuuŋ Benjamen nee nywøme.»

1 Camiel 14:24

'Ba dïcäŋögø jø leny mo jø Icriel geno ööl døc, kiper Cøøl jiy awëëk kööŋ ni kööe, na «Acïëni oen bäät ŋato cämö ni cäŋ poot kär pädhö, këël kanyo coola kwöra dëët nyïïmän 'moa.» Kanyøgønø, aput tïmö ni bäŋ dhaanhø mo cam ee belø røk jø leny mo jø Icriel.

1 Camiel 14:28

Køøre dhaanhø aciel røk jiy, mare acaane ni kööe, ni «Wäru, jiy anø cäänne døc ni wëëk jiy kööŋ, ni kööe, na ‹Acïëni oen bäät ŋato cämö dïcäŋi.› » 'Ba kar kaagø møn, jiy oööl døc.

1 Camiel 25:22

'Ba diøø ka amöölla ni näk mo da dïcwøø aciel mo ena paare mo yaa wiiø ni kwøw, beerra man ö Jwøki ni raany aani, a na Deebit en.»

1 Camiel 28:10

'Ba Cøøl akööŋ jï dhaagø manøgø ki nyeŋ Wuuö Jwøk, ni kööe, ni «Ŋëët Wuuö Jwøk na kwøw, bäŋ gïn mo pïï bäätï kiper luummi.»