Mathiew 14:36 - Wëël Jwøk

³⁶ Ni kwaacge eni këël ki man gutge deŋ abïïne keere jaak. 'Ba jøøa gut gø bëët, dëëtge adøø karge.

Mathiew 14:36 Iomraidhean Croise

Mathiew 14:35

'Ba kanya ö jø paanøce na ŋecge Jecu, gena jääk tiet mïëyögø bëët, ni kälge jøøa tuu bëët baŋ Jecu.

Mathiew 23:5

Ni tïïe moge bëët wø tïïcge kaper nee neen jiyi. Kiper opïri moge mo wø twöö dëël na näk tiet weet Jwøk okwøø yïthge wø tïïcge tïïö ni døøŋŋø, ni tïïcge okuri mo waare mo wø twöö ceŋ aleeŋŋe moge ni thøøthge bäyö døc,

Maak 3:10

Kiper jiy mo thööth ee nø køny, ni tïm jøøa dëëtge da ŋwiili ni rïïya bääte, nee gutge.

Maak 6:56

'Ba kany wø ci Jecu yie, nee ena yïth mïëri moa therø ki yïth päänye, wala dï paac, jiy moa tuu wø pïëlge kwör ŋïëw, ni kwaacge eni këël ki man gutge deŋ abïïne keere jaak. 'Ba jøøa gut gø bëët, dëëtge adøø karge.

Maak 8:22

Ni öge yi Betheeda. 'Ba jø møøk akän bäŋ Jecu ki dhaanhø ma cwør, ni kwacge gø nee mule.

Luk 6:19

Ni ö lwaaøgø bäre ni tïmge ni ge manynya man gutge gø, kiper da teek mo wø öö ki baŋe ni køny ge bëët.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 7:23

?Aŋø, ni näk dhaanhø you daŋø ki cäŋ jwömö, kiper nee ciik mo Modhe ba dhallu, u doo wëër ki aani kiper na wëëga dëër dhaanhø mo tuu jöönnö bäre ki cäŋ jwömö?

Moa Tïïc Nyïïatwieli 3:16

'Ba beeye Jecu manøgø ki ŋäädhe na en ri nyeŋŋe na wëëk ŋati tëënnö ni neennu en ni ŋäyu. Ni beeye ŋäädhe mana öö ki ri Jecu na wëëk dëër ŋati døø kare na bäre nyïmmu bëët.