Mathiew 14:33 - Wëël Jwøk

³³ Ni ö jøøa en yi jääyi ni wøørge eni, ni köge, na «Adïëri møn, bee ï na O Jwøk møn.»

Mathiew 14:33 Iomraidhean Croise

Daniel 3:25

Ni dwøk gø ni kööe, ni «Neennu, jiy mo neeta ii gena aŋween mo ge kär twöö mo ge cäädhö dï maac mo bäŋ gïn mo leth mo otägö dëëtge; 'ba ŋweerge nëëni ni caala jwøk.»

Mathiew 14:32

'Ba kanya ethge yi jääy, jamø acuŋŋö.

Mathiew 15:25

'Ba nyijøøgø aöö ni këël cøŋŋe piny nyïm Jecu, ni kwaac gø ni kööe, «Kwäärö, køny aani.»

Mathiew 16:16

Ni dwøgi ya Cayman Piter, ni «Ïïna Krictø, O Jwøa kwøw.»

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 2:11

'Ba kanya dønyge yi øtø, nyilaal ajootge ki menni ma Meeri, ni këëlge cøŋge piny ni wøørge gø. Kanyøgønø, opïri moge ajapge, ni moocge eni ki muuce, ni beege warkey, ki mädhi mo ŋwääö ni met ma teeŋi.

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Mathiew 27:43

Eni kee Wuuö Jwøk ee ŋäädhö. ?Aŋø, Wuuö Jwøk ba køny eni ŋø, nee Wuuö Jwøk yie met ki eni? Kiper ena köö, ni ‹Aana O Jwøk.› »

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Mathiew 28:17

'Ba na neenge Jecu, ena wøørge. 'Ba møøk dïge gena tääö.

Mathiew 28:9

'Ba kanyøgø Jecu aput røømmø ki geni ni määth geni. Ni öge baŋe ni makge tiete ni wøørge gø.

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Maak 1:1

Täk luumma nyään na met mar Jecu Krictø na näk O Jwøk,

Maak 14:61

'Ba ena lïŋö ni bäŋ gïn mo ee dwøgø. Ni cäŋi ya Kwääy Lammi Mana Dwøŋ pëënynyö, «?Bee ï na Krictø, O Jwø wø pwøc?»

Maak 15:39

'Ba kwääy dïkuye ma dïpa mo cuŋŋö ni dïët ki eni, na joot gø, ni ena jwïëy ka aŋuudi na enøgønø, ena köö, na «Adïëri møn, ŋati en beeye O Jwøk.»

Luk 24:52

Ni ö bääge ni døøge yi Jerucalem ni yïthge met døc.

Luk 4:41

Ni ö anäge thuwø ni öge wøk dëët jiy mo thööth ni ge rëëdö, ni «Ïïni, ïïna O Jwøk.» 'Ba gena jooe ni ba wëëk ge cäänö, kiper ŋäcge ni beeye eni na Krictø.

Luk 8:28

'Ba na joot Jecu, ena köök døc ni put päth nyïm gø, ni cäänne ki dwøl mo päl, na «?Agïnaŋø noo tïïyï ki aani, Jecu, O Jwøa Dwøŋ ni en Maal? A kwaya ïïni, naa ba caarï.»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 11:27

Ni løgi ya Martha jïre, «Kare møn, Kwäärö, aana jïëy ni beeye ïïni na Krictø na näk O Jwøk, ŋata wäŋŋi ni ööa piny.»

Jøøn 17:1

Kanyøgø na løny Jecu ki caan luupögøøni, ena lwïthö maal ni läme, ni kööe, na «Awuuö, kanya wäŋŋi aöö. Jiem Wäädï, niï jiem Wäädö,

Jøøn 19:7

'Ba aløk jø Juuthi jïre, ni «Jïwa da luubö ri ciik Jwøk, 'ba ki køør luummögøøni, eni doo nääö kiper na døøc ree O Jwøk.»

Jøøn 6:69

Ni ewa ŋäädhö ni jootwa gøøni, ni beeye ïïni na en kur keerï na näk mar Jwøk.»

Moa Tïïc Nyïïatwieli 8:36

'Ba kanya cääthge, gena pïï kany mo da pïï, ni kö ŋata näk odïnö, ni «Neenï, pïï ii. ?Agïnaŋø noo män aani ki lwøk na nyuudhi?» [

Wëëlö Mana Göör Pøølli Baŋ Jø Röm 1:4

Ni beeye eni na nyooth na O Jwøk ni eni teek ki køør Jwïëc Jwøk na en kur keere kanya tïŋi maal ki yi thøø. Ni beeye Jecu Krictø na näk Kwääyø,