Mathiew 14:29 - Wëël Jwøk

²⁹ Ni kööe, ni «Ööï.» Kanyøgø Piter aeth piny ki yi jääy, ni cäädhe ki bäät pïï, ni ci baŋ Jecu.

Mathiew 14:29 Iomraidhean Croise

Mathiew 14:28

'Ba aløk Piterri jïre, ni «Kwäärö, ni näk beeye ïïni, cwøl a, naa ööa baŋï ki bäät pïï.»

Mathiew 14:30

'Ba kanya neen jamø, ena lwäyö. 'Ba na täge ki man neelïŋ, ena köök ni kööe, ni «Kwäärö, køny aani.»

Mathiew 17:20

Ni kööe jïge, ni «Kiper ŋäädhe maru thiinh. Adïëri møn, a caana gø jïïu, doo na jïïu da ŋäädhe mo caala nyi waŋ kunhnhö mo thiinh døc, u doo köö jï kïnni, ni ‹Daa riï kaace,› ni dee ree daaø. Ni doo na bäŋ gïn mo dhäthi jïïu en.»

Mathiew 21:21

'Ba adwøk Jecu jïge, na «Adïëri møn, a cäänna uuni, ni näk jïïu da ŋäädhe nou ba tääö, paa teeŋ gïna tïïc dëër olaam keere noo tïïyu, 'ba këël u köömma kïdi man, ni ‹Tïŋ riï ni leeŋï riï yi naama dwøŋ›, gïnögø puta tägö.

Maak 9:23

'Ba Jecu aköö jïgø, na «?Aŋø, köö ïïni, ni ‹Ni näk da gïn mo løny ki man tïïyï gø›? Jammi bëët wø lønynya jï ŋat wø jïëy ni ŋäädhe.»

Luk 17:6

'Ba Kwäärö aköö, no «Doo na jïïu da ŋäädhe mo caala nyi waŋ kunhnhö mo thiinh døc, doo maar lønyø jïïu ki man köömmu jaadhi en, ni ‹Puth riï wøk kany, ni piidhï riï yi naama dwøŋ,› ni dee luummu leŋø.

Moa Tïïc Nyïïatwieli 3:16

'Ba beeye Jecu manøgø ki ŋäädhe na en ri nyeŋŋe na wëëk ŋati tëënnö ni neennu en ni ŋäyu. Ni beeye ŋäädhe mana öö ki ri Jecu na wëëk dëër ŋati døø kare na bäre nyïmmu bëët.

Wëëlö Mana Göör Pøølli Baŋ Jø Röm 4:19

Ŋäädhe mare käre wiiø, këël na caar dëëre na näk kare cään ki thøø kiper na näk jïre da cwiiri mo jïtö ki dïpa, wala kanya caar bwøc cïïe ma Ceera.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.