Mathiew 14:27 - Wëël Jwøk

²⁷ 'Ba kanyøgø Jecu aput luupö ki geni ni kööe, ni «Magu cwïnynyu. Man a aani. Käru lwäyö.»

Mathiew 14:27 Iomraidhean Croise

Aydheea 41:10

Kärï lwäyö, kiper a nut buutï, ni ba bwøk cwïnyï, kiper aana Jwøk marï. Ï tïïa tïïö niï teek, ni kønya ïïni, ni jøla ïïni ki cer cwïïa ni wø tïïya adïëri.

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Mathiew 14:28

'Ba aløk Piterri jïre, ni «Kwäärö, ni näk beeye ïïni, cwøl a, naa ööa baŋï ki bäät pïï.»

Mathiew 17:7

'Ba Jecu aöö ni guun geni, ni kööe, ni «Ööu maal. Käru lwäyö.»

Mathiew 28:10

Kanyøgø gena cään Jecu, ni «Käru lwäyö. Cou ni caannu gø jï nyïïmera nee cige Galili. Aano jootge kaace.»

Mathiew 28:5

'Ba määrögø aluum nyïïatwiel maalli ni kööe, ni «Käru lwäyö. Kiper ŋääa nou caya Jecu na gur bäät jaadha no odëëdö.

Mathiew 9:2

Kanyøgøøni jiy akän baŋe ki ŋat mo obäp, mo opïël bäät pëëm. 'Ba kanya ö Jecu na neen ŋäädhe marge, ena köö jï ŋata näk obäp, ni «Mak cwïnyï, wääda, raay moï awec.»

Maak 6:50

Kiper ena jootge bëët, ni bwøkge. 'Ba kanyøgø ena put luupö ki geni, ni kööe, ni «Magu cwïnynyu. Man a aani. Käru lwäyö.»

Luk 1:13

'Ba nyïïatwiel maal manøgø aköö jïgø, ni «Kärï lwäyö, Dhekaraya, kiper lam marï awïnynyi. 'Ba cïïï ma Ilidhabeth ojïti ki nyilaal ma cïïŋŋö. 'Ba nyeŋŋe ocwølï ni Jøøn.

Luk 1:30

'Ba nyïïatwiel maal aköö jïgø, ni «Kärï lwäyö, Meeri, kiper ïïna jïtö ki mëër baŋ Jwøk.

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Luk 2:10

Ni kö nyïïatwiel maalli jïge, ni «Käru lwäyö, kiper a käla luubö mo nyään mo met jïïu, mano mïn yïth jiy bëët ki gø.

Luk 5:10

Këël Jeemeth ki Jøøn wäät Dhebedi, na näk jø wø bïdhö ki Cayman, gena bwøk thuwø. 'Ba Jecu aköö jï Cayman, ni «Kärï lwäyö. Køør man ennø, ïïno tïmö na dïbïth jiy.»

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Jøøn 6:20

'Ba ena köö jïge, ni «Man a aani. Käru lwäyö.»

Moa Tïïc Nyïïatwieli 23:11

'Ba na tïme na wäär, Wuuö acuŋŋö buut Pøøl ni kööe, ni «Mak cwïnyï. Kiper gïra okøpï yi Röm thuwø, kaawat mana køpï gïra yi Jerucalem.»