Mathiew 14:23 - Wëël Jwøk

²³ 'Ba kanya nø wëëk lwaak keethø, ena aa bäät kïdi keere kuna läme. 'Ba kanya tïm pinynyi na wäär, ena dööŋ kaace keere.

Mathiew 14:23 Iomraidhean Croise

Mathiew 26:36

Kanyøgø Jecu ki bääge gena ci kany mo cwøl ni Gecemeni. Ni kööe jï bääge, ni «Pïïu piny kany dïturu, kany pooda naa cøø kuna läma kaace.»

Mathiew 6:6

'Ba kanyo wäro lämï, ci yi ødï ni cïëgï odhuulu bäätï ni lämï jï Wäru ni en maal ni wø ba neen. 'Ba Wäru ni en maal, ni wø neet gïn mo kuc, ïïno ŋade.

Maak 1:35

'Ba ni piny poot na amöölla døc ni piny cøl, Jecu apäy ni aa paap kany mo bäŋ jiy yie, ni läme kaace.

Maak 6:46

'Ba na nø daak ree buutge, ena aa bäät kïdi kuna läme.

Luk 3:21

'Ba kanya lwøk jiy na nyuudhi, Jecu alwøk thuwø; 'ba na ö Jecu na läme, maal ree ajabe,

Luk 5:16

'Ba ki kwör møøk Jecu wø cøøa paap ni läme.

Luk 6:12

'Ba yïth nïrögøøni, Jecu aeth maal bäät kïdi kuna läme. Ni thöör wäär bäre ni lama Jwøk.

Luk 9:18

'Ba dïcäŋ aciel ni Jecu lämö na eni keere, ni bääŋi ena buute, bääŋi apëënynye, ni kööe, ni «?Jiy wø köge ni aana ŋa?»

Luk 9:28

'Ba kanyøgø na tïm nïne ni jïtö ki kar abära køør luupögø, Jecu Piter, ki Jøøn, ki Jeemeth akäle, ni ci bäät kïdi kuna läme.

Moa Tïïc Nyïïatwieli 6:4

'Ba waani dëëtwa ocïpwa køør lam cooth ki køp luum Jwøk.»