Mathiew 13:52 - Wëël Jwøk

⁵² Ni kööe jïge, «Kiper manøgønø, dïpööye mo ciik Jwøk bëët moa no opwönynyö kiper buya käl maal caala wää paaci mo wø käla gïï mo nyärö ki gïï mo oruuö wøk ki yi kar kän mare ni nyooth ge jï jiy.»

Mathiew 13:52 Iomraidhean Croise

Edhera 7:10

Kiper Edhera cwïnye ee nø cïp køør ciik mo Wuuö Jwøk nee kwanye nee kïth bäät tïïc, nee ciik Wuuö Jwøk ki luup ŋøl moe nee pööe ki ge dï Icriel.

Edhera 7:21

«'Ba aani, a na nyeya ma Arthëkcic en, dwøl man cïba jï jø wø kan gwel moa bëëdö paac mana cwøl ni Løø Naam Løøga beeye en: Uuni, gïno many dïlämi ma Edhera baŋu, eni na dïpööy mar ciik Jwø maal, wär cïp jïre na kare,

Edhera 7:6

Edhera manøgø atïŋŋö Babiløn ni cøøa Jerucalem. Eni, ena dïpööy, mo ciik Modhe na cïp Wuuö Jwøki, Jwø Icriel, ee kwanyø døc. Køøre nyeya jammi moa many Edhera bëët acïbe jïre, kiper Edhera cer Wuuö Jwøk, Jwøk mare, ena bääte.

Pwöc Leec Wïc 11:30

Nyïëdi mo wø joot jøøa marge beer ki køør tïïe moge, beeye jaath kwøw, ni ŋat mo wïïe leer wø jïtö ki jiy mo thööth.

Pwöc Leec Wïc 15:7

Lëëpi mo jøøa wïthge leer wø nyaaya kwänynyö, 'ba jøøa näk wïthge känni, manøgø ba tïïcge.

Pwöc Leec Wïc 18:4

Luup mo wø cur dhi dhaanhø wø nyootha acaac yie na caal kut, ni ena jøøro mar leec wïc.

Obeec Dudi 7:13

Nyïï ocøøk ŋwäänyge ajääŋge wøk; ni dhi øtø marø päŋ ki nyïëdi mo nyärö ki mo oruu, mo yaa cooŋ piny kiperï, ï no omëër mara.

Mathiew 12:35

Kiper ŋata beer wø käla gïn mo beer wøk ki røk japa beyø na en cwïnye. 'Ba ŋata raac wø käla gïn mo raac wøk ki røk japa reyø na en cwïnye.

Mathiew 13:51

Ni kö Jecu jïge, «?Gïïögø bëët aci cwïnynyu?» Ni köge jïre, ni «Yaa.»

Mathiew 13:53

'Ba kanya løny Jecu ki car luupögø ni keda leere yøø, ena aay kaace.

Mathiew 23:34

Kiper manøgønø, nyïïkuk Jwøk, ki jøøa wïthge leer, ki dïpööye mo ciik Jwøk jääŋŋa jääŋŋö baŋu. Jø møøk dïge 'nägu nääö, ni guru ge bäät jenni moa no odëëdö, ni pöötu møøk yïth uut acook lam mou, ni riemmu geni wøk paani nø, ki paani nø.

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Luk 11:49

Ni beeye na caani ya Jwøki ki leec wïïe, ni ‹Aano jääk baŋge ki nyïïkuk Jwøk ki nyïïatwieli. 'Ba møøk dïge onäkge, ni caange møøk,›

Jøøn 13:34

'Ba a wëëga uuni ciik mo nyään, ni mëërru ki røgu, keda mana mëëra ki uuni, kiper nou tïmu nou mëër ki røgu thuwø.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

Epeca 3:4

Kiper kanyo kwaannu gïn, nee mana ŋääa kiper gïna näk tiere okwøŋ kan mar Krictø nee ŋäyu,

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

Köløcia 1:7

kaawat mana kwanynyu gø baŋ Epapara, omëëcwa, na laŋŋø ki waani na aciel. Ena ŋat tïïc mo oŋäädhö mar Krictø mo kønya waani,

Köløcia 3:16

Wëëgu luum Krictø bëëtö cwïnynyu na adïëri, kaawat man wø pwönynyu røgu, nou jøga røgu ki køør acaare bëët mo leec wïc, kaawat man wø wärru Dut Pwøc ki dut Jwøk, nou dwøga met ec jï Jwøk.

1 Timöthi 3:6

'Ba eni kär näk ŋat mo kanya jïëe yie poot cään, kiper kanymør cwïnye laara jïtö ka atöör, ni päth ya ajäla kaamar anägö.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.