Mathiew 13:20 - Wëël Jwøk

²⁰ 'Ba mana jør yi ŋöömma näk tiere da kïdi, beeye ŋat wø wïny luubö ni laar gø jïëc ki met cwïny.

Mathiew 13:20 Iomraidhean Croise

2 Luup Nyeye 24:14

'Ba kanya nø thöörge tïïc manøgø, gwel moa dööŋ wøk ri tïïc aduuge baŋ nyeya ki Jööda, ni tïïcge ge na jap tïïc mo Øt Wuuö Jwøk, ni beege jap tïïe ki jap olämme mo wø waaŋ bäre, ki cäänne, ki jap tïïc møøk mo tïïc ka warkey ki gwet-bïrö. 'Ba gena bëëdö ni ge cïpö cooth ko olämme mo wø waaŋ bäre yi Øt Wuuö Jwøk ki yïth nïne bëët moa beet Jööda.

2 Luup Nyeye 24:2

'Ba Jöac abëëdö ni tïïya gïï mo nëëni ni beyø ki jï Wuuö Jwøk ki yïth nïne bëët moa beet Jööda na näk Kwääy Lam Mana Dwøŋ.

2 Luup Nyeye 24:6

Kanyøgø nyeya, Jööda na bëëdö na Kwääy Lam Mana Dwøŋ acwøle ni kööe jï gø, na «?Aperŋø ni ba cäännï jø tuuŋ Libay en ki man kälge gwet ajwäk ki baŋ jø Juuda ki jø Jerucalem, ni beeye ajwäk mana caan Modhe dhaanh Wuuö Jwøk ya acooŋ jø Icriel kiper oduŋkaany røømmø man wø nyooth luumma tuut Jwøki ki jiy?»

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Mathiew 13:19

Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Mathiew 13:21

'Ba bäŋ lweedø mo okëët piny ree, ni bëëdö ka kany mo thiinh keere. 'Ba kany wø ö gïï mo lethi ki caannø wø täkge kiper luummögø, eni luummögø laare ka wec.

Mathiew 7:8

Kiper jiy bëët mo wø pëëö, wø di cïbö jïge. Ni ŋat wø määnyö, wø joode joodø. Ni ŋat wø dööŋö, wø di jabø jïre.

Maak 6:20

Kiper Eerat lwäär ki Jøøn, ni ŋääe ni Jøøn a dhaanhø mo beer, ni ena dhaanh Jwøk mo ena kur keere, ni bëët Eerati ni gwøga gø. 'Ba kanya wara wïny luum Jøøn, wïïe wø wïïrö, 'ba yie wø poot met thuwø ki man wïny gø.

Jøøn 5:35

Jøøn na bëëde caala lamba mo onyebø ni liel, ni yïthu met ki man bëëdu yi taye dïciel.

Moa Tïïc Nyïïatwieli 8:13

Këël Cayman manøgø ki dëëre ajïëy ni ŋäädhe. 'Ba køøre na lwøi na nyuudhi, ena put bëëte ni cäädhi ka Pilip. 'Ba na neen ŋïïce ki gïï mo døøŋŋø mo rëëma ec moa tïïc, yie athäŋŋö.