Mathiew 13:19 - Wëël Jwøk

¹⁹ Kany wø ö dhaanhe wø wïny luum buya käl maal ni ba kwany tier gø, ŋata raac wø öö ni juth gïna näk opiith cwïnye wøk. Manøgø caala mana näk ojør thääŋ jöö.

Mathiew 13:19 Iomraidhean Croise

Pwöc Leec Wïc 1:7

Ki man lwäär Wuuö Jwøk beeye täk kwänynyö, 'ba jøøa wïthge känni, ge män ki leec wïc ki pwöc.

Pwöc Leec Wïc 17:16

?Aŋø, ŋat mo wïïe känni, ki man ŋeew leec wïc ki gwel moe, agïnaŋø ni kønye, ni eni wïïe bäŋ acaara?

Edhikiel 31:18

« ‹?Aŋø, da jaath mar Ëden ma ajiem mare ki dööŋö mare röömi ki marï? 'Ba ïïni, ï na Peerø en, ï kïtha yi bwörö tiet ŋøøm ki jer Ëden na aciel; ni peeth ïïni piny na aciel ki jøøa näk kär daŋø na 'näk ko opëëllö. 'Ba manøgø beeye Peerø ki jiy moe bëët.› Luummögø caana Kwäärö Wuuö Jwøk.»

Mathiew 12:26

'Ba ni näk Ceethan dëëre rieme wøk, eni pääŋŋa ree keere. ?Aŋø, buye a dee cuŋŋö nidïï?

Mathiew 13:20

'Ba mana jør yi ŋöömma näk tiere da kïdi, beeye ŋat wø wïny luubö ni laar gø jïëc ki met cwïny.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Mathiew 4:23

Ni ö Jecu ni caath dï Galili bäre, ni pöö yïth uut acook lam moge, ni køp luumma nyään na met mar buc Jwøk, ni kunyö ki teeŋ täwe bëët ki ŋwiili bëët moa en dëët jiy.

Mathiew 5:37

'Ba dwøl man wø caannu wär bëëde kare, nee maru jïëy wala maru kweer. 'Ba ni näk mo kööŋ meedu bääte, maneca käla baŋ ŋata raac.

Maak 4:15

'Ba bëët jø møøk caala köödhi moa päth thääŋ jöö, kanya piith luubö yie. 'Ba kany wø wïnyge luubö, Ceethan wø laara öö ni käl luubö wøk mana piith cwïnyge.

Luk 10:9

Ni kønynyu jøw otuu yi gø, ni kööu jïge, ni ‹Ennø, buc Jwøk anø ö kany mo cään ki uuni.›

Luk 9:2

Ni jääŋ geni wøk kuna køpge luum buc Jwøk ni ge kunyö ki jø täwe.

Jøøn 18:38

'Ba Paylat aköö jïre, na «?Adïëri agïnaŋø?» 'Ba Paylat na nø caan gïïögø, acäŋ døø wøk baŋ jø Juuth ni caan gø jïge, ni kööe, ni «Bäŋ gïn mo obøth mo yaa joodø baŋe.

Jøøn 8:43

?Aŋø ni ba wïnynyu luup mo wø caana jïïu en? Tiere beeye ni ïthu you dhïïŋö ki luumma.

Moa Tïïc Nyïïatwieli 17:32

'Ba kanyøgø na wïnyge luum duun wøk ki yi thøø, ena buu jø møøki. 'Ba møøk aköö, ni «Luummögø ocäŋwa wïnynyö baŋï.»

Moa Tïïc Nyïïatwieli 18:15

'Ba na tïme na luum pïëc kiper luup ki nyeŋŋi, ki luum ciik Jwøk maru, neennu yie keeru. Aana kweer ki man ŋøla luupögø piny.»

Moa Tïïc Nyïïatwieli 20:25

«'Ba kawaane, neennu, ŋääa ni uuni bëët, u na dïïu caadha naa køpa luum buc Jwøk, waŋa ba jootu këët.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Wëëlö Mana Göör Pøølli Baŋ Jø Röm 2:8

'Ba mar jø wø ŋäc dëëtge keerge ni wø ba leŋ adïëri ni ge jïëya raay, beeye gootø ki wëër noo en nyïmge.

Epeca 3:8

'Ba aani, këël na thiinh kara døc dï jø Jwøk bëët, met ec manøgø awëëk aani, nee gïr kwär mar Krictø na näk bäŋ teeŋe køba jï juurre,

2 Thecalönika 2:12

kiper nee jiy bëët moa näk yïthge met ka gïï mo reyø, na näk kär jïëy ki gïna näk adïëri, nee ge jääl.

Ibaru 2:1

Kiper manøgønø, wär ïthø ciiø døøc ki gïïa wïnynyø, kiper kanymør ø pöödhö ki buutge.

1 Jøøn 3:12

ni ba tïmø kaamar Keen, eni na dhaanh ŋata raac na 'näk coki. ?Aperŋø na 'näk gø? Nääe kaper tïïe moe na reyø, ni ö mo coki ni becge.

1 Jøøn 5:18

Ni ŋääø ni ŋat mo onywøl Jwøki bäŋ wø bëëdö ni bääö, kiper mano gwøgi ya O Jwøki, ni ba guti ya ŋata raaci.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.