Mathiew 13:15 - Wëël Jwøk

¹⁵ Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø, kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luuge rege baŋa, nee ge kønya.›

Mathiew 13:15 Iomraidhean Croise

Pwöc Leec Wïc 16:30

Ŋat wø niiŋ waŋe wø caara luup cwøk, ni ŋat wø cuul dhee wø nyootha raay mo ee nø caar ki cwïnye.

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 57:18

Aani uutjïëthe moge ajooda, 'ba ge kønya kønyø; geno bwødha ni cäŋa cwïnyge cømmø, ge ni wø bëëdö ni ge kïmmö,

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Jeremaya 17:14

Wui Wuuö Jwøk, dwøk dëëra kare, nee dëëra jöönne; ni piemï aani, naa jïta ki køny; kiper bee ï ni wø pøøya.

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 3:22

'Ba Wuuö Jwøk aköö, ni «U na jiya na näk cwïnynyu ogaa wøk, duu baŋa, uuno tïïa nee cwïnynyu ba gaage wøk këët.» Ni köge, ni «Ka adïëri møn, waani, wa duua baŋï, kiper beeye ïïni na Wuuö Jwøk, Jwøk marwa.

Jeremaya 33:6

«'Ba yi nyïme, pääny man odwøga kare, ni døø kare ni beer, ni dwøga bëët jiy kare, ni nyoodha bëët mëër ki bëët adïëri jïge ni päl.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Dhekaraya 7:11

«'Ba jiy akweer ki man cekge ïthge; ni putge ŋäthge løk ki dïwït marge, ni dhïŋge ïthge ni ge kwiera luup.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Luk 19:42

ni kööe, ni «Beer kee jap wø käl bëët-mëër ŋäyu dïcäŋi en nø. 'Ba kawaane, geno mänö ki nyeŋŋu.

Moa Tïïc Nyïïatwieli 28:27

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luŋge baŋa, nee ge køny.» ›

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Moa Tïïc Nyïïatwieli 7:57

'Ba gena rëëdö døc ki dwøl mo päl ni mecge ïthge ni läätge bäät gø bëët.

2 Timöthi 4:4

'Ba ge kweer ki man wïnyge adïëri, ni tïmge ni ge wïïra jöör leer.

Ibaru 5:11

'Ba ennø, da luup mo thööth jïwa mo dewa caanø kiper gïnögø, mo tietge teek ki par, kiper mana tïm ïthu ni bääö ki man wïnynyu gø.

Mana Nyooth 22:2

ni muuli ka dï waŋjöör paanøgø. 'Ba bäät ageel moe karge riet thuwø, jaadha näk jaath kwøw ena yie, ni bääte da nyïïe apaar kurriiø ma teeŋi, ni nyïïe nywøle ka yïth dwäde bëët. 'Ba bøøge beege wø køny mïëri ki ŋwiitge.