Mathiew 13:11 - Wëël Jwøk

¹¹ Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 13:11 Iomraidhean Croise

Aydheea 29:10

Kiper Wuuö Jwøk akän bäätu ki jwïëc niine mo thööth, ni wëëk nyeŋŋu nijïïm, u na nyïïkuk Jwøk, ni cïëk wïthu, u na jø wø joot jammi ki køør man wø nyooth Jwøki jïïu.

Aydheea 29:11

Ni tïm luupi bëët mo wø nyooth ki yi wïc ni caala luup mo ena yi wëëlö mo dhee omwönö; këël wëëllögø doo wëëga ŋat mo ŋäc kwäänö ni købi jïre, ni «Kwaan gïn,» eno köö, ni «Ba løny kwaan jïra, kiper omwönö.»

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Mathiew 13:10

Køøre bääŋi aöö ni köge jï Jecu, na «?Aŋø ni caanï luup jïge kaamar leere en?»

Mathiew 16:17

Ni dwøgi ya Jecu jïre, ni «Ïïna gwïëth, Cayman o Joona. Kiper paa dhaanhø na nyooth luummögø jïrï, 'ba beeye Wära ni en maal na nyooth gø jïrï.

Mathiew 19:11

'Ba Jecu aköö jïge, ni «Patha jiy bëët noo jïëc luummögø, 'ba beeye jø wø wëëgi ge keerge.

Mathiew 20:23

'Ba Jecu aköö jïge, na «Athöönhnha omaathu møn. 'Ba pïïn bäät cwïïa wala bäät caama, cïpe ba en jïra, 'ba cïpe ena jï Wära, ni cïbe jï jøøa jiiŋ gø kiperge.»

Maak 10:40

'Ba pïïn bäät cwïïa wala bäät caama, ba en jïra ki man cïba gø, 'ba ocïp jï jøøa jiiŋ gø kiperge.»

Maak 4:11

Ni kööe jïge, «Beeye uuni na wëëk luumma näk tiere okwøŋ kan kiper buc Jwøk. 'Ba ki jï jøøa en wøk, jammi bëët caan kaamar leere,

Luk 8:10

ena köö, ni «Beeye uuni na wëëk ŋäc tiet luup moa näk tietge okwøŋ kan kiper buc Jwøk. 'Ba ki jï jø møga, luupögø caan kaamar leer, kiper noo neenge gø, ba jootge; ni wïnyge gø, 'ba tiere ba kwanyge.

Jøøn 6:65

Ni ö eni ni kööe, ni «Beeye tiere na caana gø jïïu, ni doo bäŋ ŋat mo doo maara ö baŋa, ni näk ba wëëga Wuue öö.»

Jøøn 7:17

Nee da dhaanhø mo caya man tïïc mana many Jwøki, eni dee ŋääö ki man näk mo pwöc man en käla baŋ Jwøk, wala caana ka wïïa a keera.

Moa Tïïc Nyïïatwieli 16:14

'Ba dhaanhø aciel dïge mana wïny luumwa beeye nyijø mo nyeŋŋe Lidia, ma nyijø pääny Thayatira, mo wø gädhö ka abïïe ma wøpe, ŋat mo wø bëëdö ni wøøra Jwøk. Eni cwïnye ajap Wuue, ni cek ïthe ki luupa caan Pøølli.

Wëëlö Mana Göör Pøølli Baŋ Jø Röm 11:25

'Ba nyïïmera, a manynya uuni man ŋäyu gïn en na näk tiere okwøŋ kan, kiper nou ba töödu ni reegø nyeŋŋu. Kiper thäk jø Icriel møøk cwïnyge adøøc mo teek këël mano ci kwään juurre moa wäŋŋi yie.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

1 Körin 13:2

'Ba ni näk mo jïra da muuy mar køp dwør Jwøk, ni gïïa näk tietge okwøŋ kan bëët yaa kwanyø, ni jammi bëët ŋääa, ni jïra da ŋäädhe mo päl døc mo løny ki man daaa kïte ki gø, 'ba jïra bäŋ mëër, bäŋ gïn duua.

1 Körin 15:51

Neennu, aani, a caana luubö jïïu mo tiere okwøŋ kan. Ø ba buti bëët. 'Ba dëëtø di wiilø bëët,

1 Körin 2:14

'Ba ki jï ŋat mo cwïnye ba en køør Jwøk, muuce mo Jwïëc Jwøk ba jïëe, kiper nëëni keda jap bøøl jïre, ni ba maar lønyø jïre ki man kwany geni, kiper wø joot ka cwïny mo ena køør Jwøk.

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

1 Körin 4:1

'Ba man en beeye mana doo caar dhaanhe kiperwa, ni waana jø wø tïny Krictø, na näk jøøa wëëk tïïe mo Jwøk na näk ee kwøŋ kan.

1 Körin 4:7

?Kiper aŋa wø neen uuni nou patha aciel ki jø møga? ?Agïnaŋø ni en jïïu ni ba cïpa Jwøki? ?'Ba ni näk mo cïpa jïïu, aŋø ni töödu keda gïn mo ba cïpa jïïu en?

Epeca 1:18

ni jap nyeŋ mo cwïnynyu kiper nou tïmu nou ŋäya ŋäädhe mana en nyïm mana cwøl u kipere, ni ŋäyu dööŋ olaaw mare na näk ree da ajiem mo bäŋ teeŋe ni wø en jï jø Jwøk,

Epeca 1:9

'Ba mana manynye na näk ee kwøŋ kan anyuth øøni, kaawat mana kwøŋ gø cooŋ ki cwïnye ni tïïe ka ri Krictø.

Epeca 5:32

Gïnögø beeye gïn mo dwøŋ døc mo tiere okwøŋ kan, naa cäänö kaper Krictø ka acooŋ Jwøk.

Epeca 6:19

këël kipera thuwø, naa wëënni ki jöö man jaba dhaa ki gø ni cwïnya da cer ki man køba luumma nyään na met na näk tiere okwøŋ kan,

Köløcia 2:2

Kiper a doo naa manynya geni man jïtge ki cøm cwïny, kaawat mana kuutge bëët ki mëër, nee gïna näk tiere okwøŋ Jwøki kan, na näk beeye Krictø, nee kwanyge ki pälle bäre, ni ci cwïnyge døøc,

1 Timöthi 3:16

Ajïëø møn, ni gïna näk tiere okwøŋ kan mar lam marø, dwøŋ møn. Kiper øøna jïëy, ni ena nyooth kanya tïme na dhaanhø, ni ŋunni ya Jwïëc Jwøki, ni ena neen nyïïatwiet maalli, ni nyeŋŋe okøbø dï mïëri, ni jïëc nyeŋŋe dï piny, ni kïthi maal ka ajiem.

1 Timöthi 3:9

'Ba ge doo ŋäya ŋäädhe mana näk tiere okwøŋ kan piny, ni bäŋ gïn mo jäälge rege ki gø.

Jeemeth 1:5

'Ba ni näk da ŋat mo leec wïc mare orëëm dïïu, Jwøk wär pëënynye, ŋat wø cïpi jï jiy bëët ki cwïnye bäre ni ba pëëö, 'ba omëëk eni.

1 Jøøn 2:20

'Ba uuni, uuna jør ŋata en kur keere na näk mar Jwøk ki maaw, ni jammi bëët ŋäyu.

1 Jøøn 2:27

'Ba uuni, jør maaw mana jootu baŋe ena cwïnynyu, ni bäŋe ŋat mo manynyu nou pwönynye, kiper jør maaw mare beeye wø pwöny uuni ki jammi bëët, ni beeye adïëri, ni patha tööt. 'Ba bëëdu ri Krictø, keda mana pwöny uuni.