Mathiew 12:42 - Wëël Jwøk

⁴² Nyenynya näk dhaagø mar paana en jï løø tier-piny, ööa maal ni jääl jø pinyi en dïcäŋo ŋøl luup yie. Kiper eni ööi ka kany mo bäär døc kuna wïny leec wïc mar Cølöman. 'Ba ennø, da gïn mo dwøŋŋa eni ki Cølöman mo ena kany.

Mathiew 12:42 Iomraidhean Croise

1 Nyeye 10:24

Ni ö jø bäät pinynyi bëët ni tïmge ni ge manynya man öge baŋ Cølöman kuna wïnyge luup mo wø caane ki køør leec wïc mare mana cïp Jwøki jïre.

1 Nyeye 3:12

ka adïëri møn, aani gïnögø tïïa tïïö ki køør luummï. Neenï, aani, a cïpö jïrï ki leec wïc, nee gïn mo beer ki gïn mo raac tïme ni ŋäyï, ni tïme ni bäŋ ŋat mo rööma ïïni ki leec wïc ki mana täge ya acääŋŋe, këël yi nyïme.

1 Nyeye 3:28

'Ba kanya ö jø Icrielli na wïnyge luum ŋøl mana ŋøl nyeya, gena put tïmö ni ge lwäär ki eni; kiper ajootge ni eno nø mooc Jwøki ki leec wïc nee luup wø ŋøle na karge.

1 Nyeye 3:9

Ennø, a na dhaanhnhï en, mooc aani ki wïc mo leer, nee luup jiyï ŋøla, nee luubö mo beer ki mo raac nee ŋääa. ?Aŋø, aŋa ni løny jïre ki man käär jiyï moi ni thööth ii?»

1 Nyeye 4:29

'Ba Jwøk Cølöman amooe ki leec wïc mo dwøŋ døc, ni tïme ni gïn mo beer ki gïn mo raac ŋääe, ni ŋäc jammi mo thööth mo ba løny ki kwaan.

1 Nyeye 4:34

Ni ö jiyi ki røk wïth juurre bëët kuna wïnyge luup mo wø caan Cølömanni ki køør leec wïc mare, ni ge jääŋŋa nyeye bëët mo bäät piny moa wïny leec wïc mare.

1 Nyeye 5:12

'Ba Wuuö Jwøk leec wïc acïbe jï Cølöman ki køør mana caan gø jïgø, ni ö Kirammi ki Cølöman ni jït yïthakicge ki bëët-mëër, ni ö geni na ariiø yøø ni tutge ki luubö yïthakicge.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Mathiew 12:41

'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.

Mathiew 12:6

'Ba aani, a cäänna uuni, ni gïn mør mo dwøŋŋa eni ki Øt Jwøk Mana Dwøŋ ena kany.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:18

Bäŋ dhaanhø aciel mo Jwøk ee neenø, 'ba beeye Wäädö mana näk acielø jï Jwøk na en kö Wuuö na nyooth gøøni.

Tiet Ciik 30:13

Ni ciik manøgø ba caal gïn mo ena løø naama dwøŋ løøga, mou cäänö kipere, ni kööu, na ‹?Aŋa noo ŋut løø naama dwøŋ løøga kiperø, nee käle jïïø, ni caan gø jïïø nee wïnynyø, kiper nee gwøø?›