Mathiew 12:41 - Wëël Jwøk

⁴¹ 'Ba jø Nineba, geno ö maal ni jäälge jø pinyi en, dïcäŋo ŋøl luup yie. Kiper geni cwïnyge aløkge kanya ö Joona na køp luum Jwøk jïge. 'Ba ennø, da gïn mo dwøŋŋa eni ki Joona mo ena kany.

Mathiew 12:41 Iomraidhean Croise

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Jeremaya 3:11

'Ba Wuuö Jwøk aköö jïra, ni «Theemma Icriel na caal dhaagø mo cwïnye ogaa wøk ki Juuda na raac.

Joona 1:2

ni «Ö maal ni ciï Nineba, päänya dwøŋ, ni cäänï dëëre, kiper rääö mar jiye aöö ni pïïe maal baŋa.»

Joona 3:4

Køøre Joona atägö ki man caath dï päänyögø ki dïcäŋ aciel bäre, ni rëëdö, ni «Ennø, dööŋŋa nïne ma pïëraŋween keerge nee Nineba raanynyi.»

Mathiew 12:39

'Ba adwøk Jecu jïge, ni «Jø pinyi ni reyø ii ni wø kwier luum Jwøk en, ge manynya ŋïï, 'ba bäŋ ŋïï mo nyooth jïge. 'Ba beeye ŋïï mar nyikuŋ Jwøk ma Joona keere noo nyooth jïge.

Mathiew 12:42

Nyenynya näk dhaagø mar paana en jï løø tier-piny, ööa maal ni jääl jø pinyi en dïcäŋo ŋøl luup yie. Kiper eni ööi ka kany mo bäär døc kuna wïny leec wïc mar Cølöman. 'Ba ennø, da gïn mo dwøŋŋa eni ki Cølöman mo ena kany.

Mathiew 12:45

Køøre nø, eni wø aay ni känne ki juu abïriiø møøk mo kadha rääö marge ki mare, ni dønyge yie, ni putge bëëtö kaace. Ni ö bëët ŋatøca ni tïme ni raac døc ni kaala mana dïkwøŋ. Beeye gïnögø thuwø noo tägi dëët jø pinyi ni reyø ii.»

Mathiew 12:6

'Ba aani, a cäänna uuni, ni gïn mør mo dwøŋŋa eni ki Øt Jwøk Mana Dwøŋ ena kany.

Mathiew 16:4

Jø pinyi ni reyø ii ni wø kwier luum Jwøk en, ge manynya ŋïï. 'Ba bäŋ ŋïï mo nyooth jïge. Beeye ŋïï mar Joona keere noo nyooth jïge.» Køøre Jecu jøøgø awiie ni aae.

Mathiew 17:17

Ni løgi ya Jecu, ni «?U na beenhnhø mo bäŋ ŋäädhe jïïu en ni wïthu teek, a këël kany mo nyïëdi nø noo beeda ki uuni? ?Naa këël kany mo nyïëdi noo maa cwïnya ki uuni? Kälu eni baŋa kany.»

Mathiew 23:36

Adïëri møn, a cäänna uuni, ni gïïögø bëët opïï bäät jø pinyi en.

Luk 11:32

'Ba jø Nineba, geno cuŋŋi ki beenhnhi en kanyo ŋøl luup yie, ni jäälge geni. Kiper geni cwïnyge aløkge kanya ö Joona na køp luum Jwøk jïge. 'Ba kawaane da gïn mo dwøŋŋa eni ki Joona mo ena kany.

Jøøn 3:31

«Eni na öö ki maal, ena wïth jammi bëët. 'Ba eni ni en piny, beeye ŋat piny, ni jap piny beege wø caane. 'Ba eni na ö ki maal, ena wïth jammi bëët.

Jøøn 4:12

?Aŋø, dwøŋŋa ïïni ki kwarwa ma Jeekap na cïp iidhi jïwa, na kwøŋ mädhö yie ki dëëre, ki wääte, ki dhäk moe bëët?»

Wëëlö Mana Göör Pøølli Baŋ Jø Röm 2:27

Kiper manøgønø, jø wø näk kär daŋø, 'ba ciik Jwøk ege gwøø, uuno jäälge kiper man bëëdu en nou poot dhala ciik Jwøk, këël na bëëde ni ciik Jwøk ki luum daŋ nut baŋu.

Ibaru 11:7

Ni beeye ŋäädhe, na ö Noa na leŋ luubö mana caan Jwøki jïre ni tïïc jääy, ni piem jø paare, kanya ö Jwøki na køp gïïa näk poot kär nëënö jïre. Ni beeye gïnögø na jääl piny ki gø, ni tïm Nöa na lwiidhø mar jïëc man wø ööi ki ri ŋäädhe.