Mathiew 12:34 - Wëël Jwøk

³⁴ ?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 12:34 Iomraidhean Croise

Dut Pwøc 53:1

Pwöc Leec Wïc 16:23

Acaac dhaanhø mo wïïe leer wø bëëdö ni pwönynya leebe, ni wëëga pwöc man wø caane ciin cwïny jiy.

Pwöc Leec Wïc 4:23

Ki røk jammi bëët, koor wïïï, kiper beeye jøøro mar kwøw.

Aydheea 32:6

Kiper ŋat mo wïïe ba leer cara luup mo oballe jaak, ni rääö man wø en cwïnye okadhø, ni bëëdö ni temma raay, ni Jwøk ee kwierø, ni cara gïï mo reyø dëër Wuuö Jwøk; ni tïïya dhaanhø mo onäk käci nee ba jääŋe, ni judha pïï wøk dhi dhaanhø mo onäk riewi.

Aydheea 59:14

Køøre ŋøl luup ma adïëri adwøk ŋäc, ni ö bëënynyö ni cuŋŋe ni kare bäär; bëët adïëri apäth piny nyeŋ jïëthe, ni ö bëëtö mana thïïŋ ni dööŋe wøk.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Aydheea 9:17

Kiper manøgønø, Kwäärö Wuuö Jwøk yie ba mïnni ki wøpe moge, ni cwïnye ba pädhi ki gïr kïïe moge ki määr thuunhnhi moge, kiper mana tïmge bëët ni Jwøk ege kwierø ni ge temma raay, ni dhøkge bëëdö ni cara luup mo reyø. 'Ba këël køør japøgø bëët, wëër mar Wuuö Jwøk ree poot ba paanye, cere poot bëëdö ni ee rwieø.

Mathiew 12:35

Kiper ŋata beer wø käla gïn mo beer wøk ki røk japa beyø na en cwïnye. 'Ba ŋata raac wø käla gïn mo raac wøk ki røk japa reyø na en cwïnye.

Mathiew 15:18

'Ba gïn wø ö wøk ki dhøk käla yi cwïny, ni beeye gïn wø raany dhaanhø.

Mathiew 23:33

?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Luk 3:7

Kiper manøgønø, Jøøn wø köö jï lwaae mo wø ö wøk baŋe nee lwøe na nyuudhi, ni «?U na nyïï thwöre en, aŋa na kööm uuni ni bwøgu ki wëër mano ööi?

Luk 6:45

'Ba ŋata beer wø käla gïn mo beer wøk ki røk japa beyø na en cwïnye. 'Ba ŋata raac wø käla gïn mo raac wøk ki røk japa reyø na en cwïnye. Ni gïï wø thööth ni wø en cwïny dhaanhø beege ni wø caane ki dhee.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Epeca 4:29

Kär dee luubö mo raac mo wïnyi dhøgu, 'ba näk gïn mo beer keere mo dhaanhø tëënnö ki gø kaawat man wø manynyi, nee tïme ni beer jï jø wø wïny gø.

Epeca 5:4

Kär dee rääc dhøk dïïu, wala luum lal, wala waac mo reyø, gïï wø ba mïërö. 'Ba mana doo beerra eni beeye dwøk met ec jï Jwøk.

Jeemeth 3:2

Kiper ø bëët, ø wø bääö ki gïï mo thööth. 'Ba nee da dhaanhø mo ba bääyi ri gïï wø care, ena dhaanhø mo bäŋ gïn mo gwäyi jïre, ni maara lønyø jïre ki man män dëëre bäre ki raay thuwø.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Camiel 24:13

'Ba kaawat mana caani ya jø acääŋŋe, ni køp, ni ‹Gïn mo raac käla cwïny ŋata raac,› aani, teeŋ acaara manøgø bäŋgø cwïnya; cera ba kïtha dëërï.