Mathiew 12:32 - Wëël Jwøk

³² 'Ba ŋato wäro cäänni ki luubö mo raac dëër Wär Dhaanhø, eno wëën Jwøki. 'Ba ŋat wäro cäänni ki luubö mo raac dëër Jwïëc Jwøk na en kur keere, eni ba wëën Jwøki yi pinyi en wala yi mano ööi.

Mathiew 12:32 Iomraidhean Croise

Jööp 36:13

«'Ba jøøa näk cwïnyge tøør ri Jwøk, ge bëëdö ni geno gootø; geni ge ba jwöŋi kiper køny kany wø ö Jwøki wø wëëk ge twöc.

Mathiew 11:19

'Ba Wär Dhaanhø aöö ni cämö ni mädhö, ni kö jiyi, ni ‹Neennu, ŋat wärö, na ŋat maath, na nyawat jø ajwäk ki jø raay.› 'Ba leec wïc ojoot na adïëri ki køør tïïe moe.»

Mathiew 12:31

Kiper manøgønø, a caana gø jïïu, ni teeŋ raay bëët ka ajaany owëën Jwøki. 'Ba ŋat wø jany Jwïëc Jwøk ba wëën Jwøki.

Mathiew 12:8

Kiper Wär Dhaanhø beeye Kwääy cäŋ jwömö.»

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 13:39

Ni nyimän mana jør köödhi beeye anägö. Ni kar kac beeye aŋuun piny, ni jø kac beege nyïïatwiet maal.

Mathiew 13:40

'Ba kanyo ŋuut pinynyi yie, otïmö keda kanyo cooŋ luuma raac yie ni waaŋi ki maac.

Mathiew 13:55

?Aŋø, nyenøgø paa wär dïjëëth opämi? ?A menni, paa Meeri? ?A nyïïmenni, paa Jeemeth ki Jocep, ki Cayman, ki Juudac?

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Maak 10:30

eno mooc ki jammi mo thööth yi pinyi ennø, ni kaala moa dïkwøŋ, teeŋ ka uudi, ki nyïïmëëe, ki mëëe, ko obwöre, ki pwöth, këël ki caannø thuwø. 'Ba piny mano ööi beeye kwøw mana näk adïëri na bäŋ cuŋŋe.

Maak 3:28

Adïëri møn, a caana gø jïïu, ni jammi bëët owec Jwøki jï jiy, këël raay moge ki kwör ajaany bëët mo wø jätge ki ge.

Maak 3:29

'Ba ŋat wäro jany Jwïëc Jwøk na en kur keere, mare ba doo maara wec na bäre bäre. 'Ba eno jäälö ka ajäl bääyö mo bäŋ cuŋŋe;»

Luk 12:10

'Ba jiy bëët mo wø cäänö ki luubö mo raac dëër Wär Dhaanhø, owec. 'Ba ŋato wäro jany Jwïëc Jwøk na en kur keere, mare ba doo wiiø.

Luk 16:8

«Kanyøgø nø, kwääyögø, kwääy tïïc manøgø ni bëëte raac enø apwøe kiper mana caar wïïe. Kiper wäät pinyi en, nyeŋge reegø ki man ŋäcge dëëtge keerge ni kaala wäät tar.

Luk 18:30

mo ba jïti ki gïï mo thööth yi pinyi en, ki kwøw mana näk adïëri mo bäŋ cuŋŋe yi piny mano ööi.»

Luk 23:34

'Ba Jecu aköö, ni «Wuuö, wëën geni. Kiper gïna tïïcge kucge.» Ni tïïge ki ŋïïce ki ri kwääk ki baw naa abïïk Jecu pääŋge.

Luk 7:34

'Ba Wär Dhaanhø aöö ni cämö ni mädhö, ni kööu, ni ‹Neennu, ŋat wärö na ŋat maath, na nyawat jø ajwäk ki jø raay.›

Jøøn 7:12

'Ba kanyøgø jiy atïmö ni ge muuŋö døc ki nyeŋŋe. Ni jø møøk köö, ni «Ena dhaanhø mo beer,» ni kö møøki, ni «Path, eni cøøga jiy jaak.»

Jøøn 7:39

'Ba luummögøøni caane kaper Jwïëc Jwøk mano ö bäät jøw ojïëy ki eni ni ŋääthge gø. Kiper kar kaaca Jwïëc Jwøk poot kär cïbö, kiper na poot Jecu ni poot kär jïtö ka ajiem.

Jøøn 7:52

Ni løkge gø, «?A ïïni, ïïna nyï Galili thuwø? Noo manynyï yïth weet Jwøk døøc, diï joodø ni doo bäŋ nyikuŋ Jwøk mo doo öö ki yi Galili.» [

Moa Tïïc Nyïïatwieli 3:19

Kiper manøgø nø, cäŋu wïthu caarrø ni løgu cwïnynyu, kiper nee moa bayu puu wøk, nee yïthu cäŋge mïnnö kiper Wuuö Jwøk noo en buutu,

Epeca 1:21

Ni dwøŋŋa eni dï moa näk ocuumö bëët, ki teeŋ teek bëët ki rööny, ni lïëŋŋa nyeŋŋe dï nyeŋ moa näk ocaa bëët, ni patha yi piny man keere, 'ba këël yi piny mano ööi thuwø.

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

1 Timöthi 4:8

Ŋääø ni pwöny røk beeye gïn mo beer, 'ba bëët jöör Jwøk beeye gïna beerra eni døc ki kare bäre, kiper beeye eni ni cïp kwøw ennø, ki kwøw mano en yi nyïm thuwø.

1 Timöthi 6:17

'Ba jøøgø no okwär yi piny man en, kööm geni nee ba töötge, ni ba ŋääthge jap kwärö moge. 'Ba beerra man ŋääthge Jwøk, eni ni wø cïp jammi bëët jïïø nee yïthø mïnge.

2 Timöthi 4:10

Kiper Diima aana wiie ni aae, kiper mana mëëre ki piny man en, ni ci Thecalönika. 'Ba Karecen aci Galeecia, ni ö Tayta ni ci Dalmacia.

Tayta 2:12

ni wø pwöny øøni ni wiiø gïïa ba en jöör Jwøk ki gïïa reyø ni wø many cwïnynyø, nee ø bëëdø ni dëëtø yøø mänö ki raay, ni marø beer, ni bëëtö marø pinyi en ena jöör Jwøk,

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.