Mathiew 12:31 - Wëël Jwøk

³¹ Kiper manøgønø, a caana gø jïïu, ni teeŋ raay bëët ka ajaany owëën Jwøki. 'Ba ŋat wø jany Jwïëc Jwøk ba wëën Jwøki.

Mathiew 12:31 Iomraidhean Croise

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Ciik Kiper Dïlämme 24:16

Maya thuwø, ŋat mo pääta aani na Wuuö Jwøk, ka adïëri møn, eni wär put 'näk. Dhaanh Icriel bäre, nyenøgø wär putge këërö ki kïte møn. Nee wëëllö mo path wala ŋat Icriel, ni näk maa ee päädö, eni wär put 'näk.

Luk 12:10

'Ba jiy bëët mo wø cäänö ki luubö mo raac dëër Wär Dhaanhø, owec. 'Ba ŋato wäro jany Jwïëc Jwøk na en kur keere, mare ba doo wiiø.

Moa Tïïc Nyïïatwieli 7:51

«U jø wïthu teek en, nou patha odaŋø ki yïth cwïnynyu ki ïthu en, cooth u wø kweeyø ki Jwïëc Jwøk na en kur keere. Keda mana kwøŋ kwäyu tïïc, beeye eni ni tïïyu en thuwø.

Ibaru 10:26

'Ba ni näk mo ø poot cøøa yïth raay ki teek wïc, ni luumma näk adïëri yøø nø kwany, doo bäŋ olämi këët mo dagø kiper raay.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 6:4

Kiper jiy mo okwøŋ bëëtö yi tar, mo muuy mana öö ki maal ege belø, ni jïtge ki kurge ri Jwïëc Jwøk na en kur keere, ni belge met luum Jwøk ki teek piny mano ööi, ni näk mo geno gaa wøk, ba løny ki man dwøk ge karge ki man cäŋge cwïnyge løgø. Kiper marge, ge cäŋa O Jwøk nägö bäät jaadha no odëëdö, ni ge wëëga gø buuö.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.

1 Jøøn 5:16

'Ba ni näk da ŋat mo neena coki no obääyö ni patha bääyö man wø cööp ri thøø, Jwøk opëënynye, ni ö Jwøki ni wëëk eni kwøw, ni beeye teeŋ jøø ni bääyö marge patha bääyö man wø cööp ri thøø enø. Kiper da raay mo wø cööpa ri thøø. Naa ba caan gø ni dhaanhø doo lämö kiper manøgø.