Mathiew 12:30 - Wëël Jwøk

³⁰ Ŋat wø ba en kura, eni män ki aani, ni ŋat wø ba cuuŋö ki aani, mare beeye keth.

Mathiew 12:30 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Pwöc Leec Wïc 11:24

Da dhaanhø mo jape muue muuö jaak, 'ba wø poot jïtö ki mo thööth; ni da dhaanhø mo mäna gïna no orømø ki man cïp gø, 'ba wø poot cännö bääte.

Odheea 1:11

'Ba nyïïkwaac Juuda ki nyïïkwaac Icriel rege odwalge na aciel, ni kwänyge dëëtge ki dïbwödhi aciel ma marge; ni putge ö maal ki yi ŋöömö mana path. 'Ba dïcäŋögø otïmö ni beeye cäŋ mo dwøŋ kiper pääny mana cwøl ni Jedhriel.

Mathiew 12:29

?'Ba dhaanhø a dee døny øt ŋat mo teek nidïï kuna twier jap gø, ni näk ŋata teek käre kwøŋ mak ni twöc gø? Køøre nø, eni cøø møn ni twier øt gø.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Maak 9:40

Kiper ŋat wø ba män ki øøni, ena kurø.

Luk 11:23

Ŋat wø ba en kura, män ki aani, ni ŋat wø ba cuuŋö ki aani, mare keth.

Luk 9:50

'Ba Jecu aköö jïre, ni «Kär mänu. Kiper ŋat wø ba män ki uuni, ena kuru.»

Jøøn 11:52

ni paa kiper paac keere, 'ba kiper nee nyïï Jwøk moa näk okeethø tiet mïëri møøk nee cooŋ kanya ciel.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

Jøcua 5:13

'Ba kanya en Jøcua buut Jerikö, wïïe atïŋ maal ni lwïthe; ni joot dhaanhø mør ni cuŋŋö nyïme no opëëllö dagø cere; ni ö Jøcua ni ci baŋe ni kööe jïgø, ni «?Ï ena løøk marwa wala ï ena løø nyïïmän?»

1 Jøøn 2:19

Gena aay dïïø, 'ba ge ba en dëëtø cøøn. Onää ge ena dëëtø, ge doo puta bëëtö ki øøni. 'Ba gena aay dïïø, kiper nee ge ŋäc ni ge ba en dïïø cøøn.