Mathiew 12:28 - Wëël Jwøk

²⁸ 'Ba ni näk Jwïëc Jwøk beeye wø riema anäge wøk ki gø, beeye buc Jwøk na ö bäätu.

Mathiew 12:28 Iomraidhean Croise

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 7:14

Ni cïp teek jïre ka ajiem ki nyec kiper nee wïth jiy bëët ki wïth juurre, ki wïth dhøgi bëët tïmge ni tïnynya eni. Teek mare mar käär jiy beeye teek mo bëëdö na bäre bäre, mo bäŋ cuŋŋe, ni buc nyec mare ba ränynyi.

Mathiew 12:18

na «Adïëri møn, ŋat tïïc mara na jiera, ni beeye omëëya, ŋata met yia ki mare, Jwïëya okïtha bääte, ni beeye eni noo køp luum ŋøl luup mo beer mar Jwøk jï wïth juurre.

Mathiew 12:29

?'Ba dhaanhø a dee døny øt ŋat mo teek nidïï kuna twier jap gø, ni näk ŋata teek käre kwøŋ mak ni twöc gø? Køøre nø, eni cøø møn ni twier øt gø.

Mathiew 21:31

?A mane nø røk obwöre moø na ariiø yøø na tïïc mana many wänni?» Ni köge, ni «Mana dïkwøŋ.» Ni kö Jecu jïge, na «Adïëri møn a cäänna uuni, ni jø ajwäk ki kääpe oci buc Jwøk nou poodi.

Mathiew 21:43

Kiper manøgø nø, a cäänna uuni, ni buc Jwøk okäl wøk ceŋŋu ni wëëgi jø paac mør mo bëëdö ka bëëtö mo orømø ki bëët buc Jwøk.»

Mathiew 4:24

Kanyøgønø, gïre awïnyö dï Ciria bäre, ni kälge jiy bëët moa tuu baŋe, jøøa no omaaŋ täwe ma teeŋi ki ŋwiili ma teeŋi mo rämö, ki jøøa dëëtge da anäge, ki jøøa dëëtge da cet, ki moa näk obäp. Ni køny geni.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Maak 1:15

Ni kööe, ni «Kanya wäŋŋi athur kare, ni buc Jwøk kare acäännö. Løgu cwïnynyu ni jïëyu luumma nyään na met, ni ŋääthu gøøni.»

Maak 11:10

Gwïëth en ri buc kwarø ma Deebit noo ööi. Wui, Odhaana! Pwøc en jï Jwøk ni en maalø!»

Maak 16:17

'Ba ŋïïce moi ocäädhi ki jø wø jïëy ni ŋääthge. Anäge oriemge wøk ki nyeŋŋa, ni cäänge ki dhøgi mo nyärö,

Luk 10:11

ni ‹Këël tør pou ni en tietwa en, teeŋwa dëëtu. 'Ba wär ŋäyu ni buc Jwøk anø ö kany mo cään ki uuni.›

Luk 11:20

'Ba ni näk cer Jwøk beeye wø riema anäge wøk ki gø, beeye buc Jwøk na ö bäätu.

Luk 16:16

«Kiper ciik Jwøk ki mo nyïïkuk Jwøk abëëdö këël mana ö Jøønni. Køøre nø, atïmö ni køpa luumma nyään na met kiper buc Jwøk, ni tïm jiyi bëët ni cøøa yie ni ge rïïö.

Luk 9:2

Ni jääŋ geni wøk kuna køpge luum buc Jwøk ni ge kunyö ki jø täwe.

Moa Tïïc Nyïïatwieli 10:38

ki mana ö Jwøki na jør Jecu nyï Nadhareth ki Jwïëc Jwøk na en kur keere, ni mooc gø ki teek, ki kanya cäädhe ni tïïya gïï mo beyø, ni køny jøøa näk oraany anägö bëët. Kiper Jwøk ena buute.

Wëëlö Mana Göör Pøølli Baŋ Jø Röm 14:17

Kiper buc Jwøk paa per cam ki maath, 'ba beeye bëëtö mo beer, ki bëët-mëër, ki met ec ki ri Jwïëc Jwøk na en kur keere.

Köløcia 1:13

Ni beeye eni na käl øøni wøk ki yi teek muudhö, ni kïth ø yi buc Wääde na mëëre ki gø.

Ibaru 12:28

Kiper manøgønø, beerra man dwøgø pwøc jïre kiper mana jïtø ki bura mo ba maar jäŋŋi, ni tïnynyø Jwøk ni ø tïïya gïï wø mïn yie ki ge, ni ø pwøya eni ni yøø wøørø, ni ø lwäär.

1 Jøøn 3:8

'Ba ŋat wø bëëdö ni bääö, ena mar anägö, kiper anägö wø bëëdö ni bääö ki kanya täk pinynyi. Ni beeye na ö O Jwøki nee tïïe mo anägö raanynye.