Mathiew 11:3 - Wëël Jwøk

³ ni pëënynya Jecu, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Mathiew 11:3 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Aydheea 7:14

Kiper manøgønø, Kwäärö Wuuö Jwøk ki dëëre cïpö jïïu ki nyuudhi; ka adïëri møn, nyakøø mo dëër dïcwøø poot kuue ojïti ki nyilaal ni lwaare ki gø na dïcwøø, ni cak nyeŋ gø ni Imanuwel.

Odheea 3:5

'Ba noo tïme na køør gïïögø, jø Icriel geno duui ni manyge Wuuö Jwøk, Jwøk marge, ni manyge nyeya marge ma nyikwaar Deebit. Geno duu baŋ Wuuö Jwøk ni dëëtge kwanynyi ki lwär kiper gwïëth mare mano en ya aŋuun nïne.

Obadiya 1:21

'Ba jøøa piem jiy geno ci maal bäät Kïn Dhayan, nee po jø tuuŋ Icøø na en bäät kïte nee käärge. Ni ö buc nyeci ni tïme na mar Wuuö Jwøk.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Agëë 2:7

Ni jäŋa wïth juurre bëët, ni ö jap kwär mo wïth juurre bëët ni käli; køøre a na Wuuö Jwøk, na en wïth jammi bëët, øtø man pääŋa pääŋö ka ajiem.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Mathiew 11:10

Ŋatøgø beeye ŋata göör gïn kipere yi wëël Jwøk, na køp, «ni ‹Neenï, a jääŋŋa nyïïatwiel mara nyïmï, ŋato jiiŋ jöörï nyïmï.›

Mathiew 11:4

Ni dwøgi ya Jecu jïge, ni «Cou ni køpu gïï wïnynyu ni neetu ii jï Jøøn,

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

Mathiew 21:9

Ni ö jiyi moa bwödhö nyïme ki moa cäädhö cään, ni rëëtge, ni «Odhaana! Pwøc en jï Nyikwaar Deebit. Gwïëth en ri ŋat ööi en ki nyeŋ Wuuö Jwøk! Pwøc en jï Jwøk!»

Maak 11:9

Ni ö jøøa bwödhö nyïm ki jøøa cäädhö cään, ni rëëtge, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk.

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Jøøn 11:27

Ni løgi ya Martha jïre, «Kare møn, Kwäärö, aana jïëy ni beeye ïïni na Krictø na näk O Jwøk, ŋata wäŋŋi ni ööa piny.»

Jøøn 12:13

Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Jøøn 16:14

'Ba aano jieme, kiper gïno näk mara olwøre ni køp gø jïïu.

Jøøn 4:21

Ni kö Jecu jïre, «Nyijøøe, jïëyï ni ŋääthï luubö mara man, da kany mo öö, mo jiy Wuuö ba lamge bäät kïdi man wala yi Jerucalem.

Jøøn 6:14

'Ba na ö jøøgø na neenge ŋïï mana tïïe, gena köö, ni «Ŋati beeye nyikuŋ Jwøk møn, na wäŋŋi ni doo thïïŋö bäät piny.»

Jøøn 7:31

'Ba jiy mo thööth ajïëy ki eni ni ŋääthge gø, ni köge, «?Aŋø, kanyo ö Krictø yie, eni doo tïmö ki ŋïïce mo thööth mo kaala moa tïïc ŋati en?»

Ibaru 10:37

«Kiper dööŋŋa kany mo thiinh, nee eni na doo öö, ööe, ni eni ba ruu.