Mathiew 11:29 - Wëël Jwøk

²⁹ Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 11:29 Iomraidhean Croise

2 Luup Nyeye 10:11

'Ba kaawat mana ö wära na tïïc bëëtö maru ni teek ni caala tëër mo peek, aani bëëtö maru cäŋa ka tïïyö ni teek døc ni kaala mana tïïc wära. Wära u pwönynye ka alaŋŋe, 'ba aani, u pwönynya pwönynyö ka alaŋŋe mo lethe caala leth dha agarap.› »

Dut Pwøc 131:1

Pwöc Leec Wïc 3:17

Uutjïëthe moe beege ni wø cïpi ki met ec, ni uutjïëthe moe bëët beege ni wø duunni ki bëët bëënynyö.

Aydheea 28:12

Kiper eno kwøŋ köö jïge, ni «Jwöm en; beerra man ö jiyi moa no oööl ni jïtge ki jwöm;» ni kööe, ni «Kar jwöm bee en,» 'ba gena kweer.

Aydheea 29:19

Jøøa no othiel piny, met ec marge okadhi ki Wuuö Jwøk, ni ö jøøa canni ni mïn yïthge ki Jwø Icriel, eni na en kur keere.

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Kwään Jiy 12:3

'Ba Modhe beeye dhaanhø mo mwöl døc, ni mööl mare kaala mar jiy bëët moa en bäät piny.

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 7:24

«Kiper manøgønø, jiy bëët mo wø wïny luupa ii, ni tïïcge ge, caala ŋat mo wïïe leer, mo øde ee geer bäät kïdi.

Luk 8:35

Kanyøgø jiy aci wøk kuna neenge gïna tägö; 'ba na pïïcge buut Jecu, ŋata aay anäge dëëre anwänge no opï piny tiet Jecu, dëëre ka abïï ni wïïe odøø kare. Ni putge lwäyö.

Jøøn 13:15

Kiper man beeye nyuudhi mana cïba jïïu, nee tïïyu thuwø kaawat mana tïïa gø jïïu.

Jøøn 13:17

Ni näk mo gïïögø ŋäyu, uuno gwïëth kany wø tïïyu geni.

Moa Tïïc Nyïïatwieli 7:37

Ni beeye Modhe manøgø na köö jï jø Icriel, ni ‹Jwøk uuno thïïŋŋe ki nyikuŋ Jwøk røk nyïïmëëgu, kaawat mana thïïŋ aani.›

1 Körin 9:21

'Ba ki jï jøøa kuc ciik Jwøk, dëëra atïïa keda aana dhaanhø mo ciik Jwøk kuua. Naa ba kuc ciik Jwøk, 'ba a bëënna ciik Krictø, kiper naa känna kura ki jøøa kuc ciik Jwøk.

2 Körin 10:1

A na Pøøl ki dëëra, a kwaya uuni ki køør mööl mar Krictø, ki bäth ec mare, ni beeye a ŋat wø døøc dëëra mo mwöl kany wø ena buutu, ni en cerri cwïnya kany wø tøøra.

2 Körin 10:5

Wa wø nyaga pïëm, ki jammi bëët mo wø thïïŋ røkge ka atöör ni ge gëëŋa jöör Jwøk ki man ŋääi. Ni peecwa acaare bëët nee dwør Krictø leŋge.

Pilipay 2:5

Putu bëëtö ki køør acaara mana jootu baŋ Krictø Jecu.

1 Thecalönika 4:2

Kiper gïïa pwönywa uuni ki ge ki køør Kwäärö ma Jecu, ŋäyu.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Jøøn 2:6

'Ba ŋat wø köö ni eni bëëdö ree doo cäädhö ki jööra cääth Jecu ki yie.