Mathiew 11:28 - Wëël Jwøk

²⁸ «Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 11:28 Iomraidhean Croise

Jööp 14:1

«Dhaanhø man no onywøl dhaage bäät piny en nïre nøk ni ena yi bëëtö mo leth døc.

Jööp 5:7

'ba dhaanhø nyöönna jwør gïï mo leth kaawat man wø ö akaraaci mo otal wø gami ya maaci.

Luup Dïpööy 1:14

'Ba na raŋa jammi bëët moi ni wø tïïc tier cäŋ piny kany en, ka adïëri møn, gena tïmö bëët ni bäŋ tietge, ni caala man many jamø nee mak.

Luup Dïpööy 1:8

Jammi bëët mo wø tïïc duua öölö bäät jiy, ni beeye öölö mo opöödhö mo ba løny ki caan ki dhøk. Waŋ bëëdö ni ba jäŋ ki raŋ, ni ïth bëëdö ni ba päŋ ki luup mo wø wïnynye.

Luup Dïpööy 4:8

Da dhaanhø mo bëëdö eni keere ni bäŋ wääde ni bäŋ coki. 'Ba eni bëëdö ni dëëre ee öölö ki tïïc mo teek mo bäŋ cuŋŋe. Ni eni bëëdö ni waŋe poot ba jäŋ ki jap kwär, ni dëëre ba pëënynye ki man kööe, na «?Aŋa ni ööla dëëra kipere en, ni bëëda naa tïïya tïïc man ni teek en ni dëëra yaa mänö ki man tïïa yia ni met?» Manøgø thuwø poot na gïn mo bäŋ tiere ni beeye tïïc ma tïï rääm.

Aydheea 1:4

Wui, u na wï jur ma jø raay en, u na jiy mo raay löör ŋäthu kaamar tëër en, ni bee u nyïïkwaac jiy mo wø tïïö ki gïï mo reyø, ni uuno obwöre mo temma raay møn! Wuuö Jwøk, eni na Jwø Icriel na en kur keere, aweyu, ni taagu gø, ni løøu ŋäthu wøk ki eni.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 28:12

Kiper eno kwøŋ köö jïge, ni «Jwöm en; beerra man ö jiyi moa no oööl ni jïtge ki jwöm;» ni kööe, ni «Kar jwöm bee en,» 'ba gena kweer.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 66:2

Kiper beeye cera na tïïc japøgø bëët, ni ö japøgø bëët ni putge tïmö ni nut. Luummögø caana a, a na Wuuö Jwøk. «'Ba aani, ŋato jïre raŋa beeye dhaanhø mo dëëre ee dwøk piny, mo cwïnye opädhö kiper raay moe, ni dëëre kwanynyi ki lwär ki dwøra.

Jeremaya 31:25

Ni tïïa dëët jøøa näk oööl nee nigethïk, ni caama jøøa näk obup ni jäŋge.»

Jeremaya 35:16

Ka adïëri møn, nyïïkwaac Jönadap o Rëkap, luum kwarge mana kööm geni ki gø agwøkge, 'ba jøøi ii mara kärge wïnynyö.›

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 23:4

Kiper ge wø twöya tëër mo dwøŋ mo peek ki man tïëti, ni kïthge geni göök jiy. 'Ba ge ki dëëtge gïïögø ba maarge gut këël ki lweetge kiree.

Jøøn 6:37

'Ba jiy mo wø cïp Wära jïra bëët ööa baŋa. 'Ba ŋat wø ö baŋa, ba riemma.

Jøøn 7:37

'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.

Moa Tïïc Nyïïatwieli 15:10

?Kiper manøgønø, aŋø ni päänynyu Jwøk en, nou manynya man kïthu ŋut bääŋi ki gïn mo caala jaath puur man wø rïï ŋut rwaath, gïna näk kär løny jï kwäyø wala øøni ki man tïëti?

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

Ibaru 4:1

Kiper manøgønø, kany poode ni buuk mar ciin kar jwömö mare poot nut en, beerra man caarø wïthø, kiper nee ba caan ni uuna kääŋö ki gø.

Mana Nyooth 22:17

'Ba Jwïëc Jwøk ki Dhaagø thiinh ge cäänö, ni «Ööï.» Ni ŋat wø wïny gø wär kööe, ni «Ööï.» Ni ŋato dëëre da riew wär ööe, ni ŋato many man lwöte ri pï kwøw wär lwöte jaak ni bäŋ ŋïëw.