Mathiew 11:10 - Wëël Jwøk

¹⁰ Ŋatøgø beeye ŋata göör gïn kipere yi wëël Jwøk, na køp, «ni ‹Neenï, a jääŋŋa nyïïatwiel mara nyïmï, ŋato jiiŋ jöörï nyïmï.›

Mathiew 11:10 Iomraidhean Croise

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Milkiya 3:1

Wuuö Jwøk, eni na wïth jammi bëët, aköö, ni «Neennu, aani nyïïatwiel mara ojääŋŋa, ni ö eni ni jiiŋ jöö nyïma; ni ö kwäärö na manynyu ni ö yi øt lam mare ni cwöba rou. 'Ba eni na nyïïatwiel mano käär luumma tuut Jwøki ki jiy oööi, ni beeye ŋata met yïthu ki gø.»

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 11:11

Adïëri møn, a cäänna uuni, ni bäŋ dhaanhø mo othïïŋö mo dwøŋŋa kare ki kar Jøøn na näk dïlööy na nyuudhi dï jøøa nywøl määnni. 'Ba eni na kare thiinhnha eni yi buya käl maal, tïmö ni dwøŋŋa eni ki Jøøn.

Mathiew 11:3

ni pëënynya Jecu, ni «?Bee ïïni, ŋata wäŋŋi ni öö, wala cäŋwa dhaanhø mør neetø?»

Mathiew 3:3

'Ba Jøøn beeye ŋata cään nyikuŋ Jwøki ma Aydheea kipere, na kööe, ni «Da dwør dhaanhø mør mo cwödö ŋää paac, ni ‹Jiiŋŋu jöör Wuuö, ni tïïyu uutjïëthe moe ni thïïŋ.› »

Maak 1:2

keda mana gööri ya nyikuŋ Jwøki ma Aydheea, na kööe, ni «Neenï, a jääŋŋa nyïïatwiel mara nyïmï, ŋato jiiŋ jöörï nyïmï.

Luk 1:76

'Ba ï na nyilaal, ïïno cwøl ni ïïna nyikuŋ Jwøa Dwøŋ ni en Maal, kiper ïïno cäädhi nyïm Wuuö niï jiiŋŋa uutjïëthe moe,

Jøøn 1:23

Ni kööe jïge, ni «Aana dwør dhaanhø mo cwödö ŋää paac, ni ‹Tïïyu jöör Wuuö Jwøk ni thïïŋ,› kaawat mana caan nyikuŋ Jwøki ma Aydheea.»