Mathiew 10:42 - Wëël Jwøk

⁴² 'Ba ŋat wäro mooc dhaanhø aciel mo kare thiinh røk bääŋi 'moa, ni eni cïpi kaper mana näk mo bääŋ manøgø ena bääŋ mara, këël ŋatøgø cïpa pïï mo ŋec ki ya athöödhi cøøn, ka adïëri møn, a caana gø jïïu, ni gïno mëëk eni ba doo kääŋö.»

Mathiew 10:42 Iomraidhean Croise

1 Nyeye 17:11

'Ba kanya tïm nyijøøgø ni aa kuna öömme ki pïï ennø, nyijøøgø acäŋ cwøllø ni kööe, ni «Nyijøøe, wär aani kuunnï thuwø ki thääŋ dääpö ki cerï nee cama.»

2 Nyeye 4:10

Beerra man tïïø ki øtø mo thiinh bäät øtø man maal, ni kïthø yi gø ki pëëm jïre kaace, ki tharabëëta, ki køøm, ki gïn wø bëët lamba bääte, nee kany wäro ö baŋø, nee eni wø ci yie kaace.»

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 24:14

Wär ŋäyï thuwø ni leec wïc bëëdö na enøgønø ni ŋweeth jïrï; ni näk mo iï joodø, aŋuun bëëtö marï gööya piny ni beer, ni gïna ŋääthï ba ränynyi.

Luup Dïpööy 11:1

Bëëdï ni iï bäth ki man cïpï, kiper dïcäŋ aciel ï di duunnö.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:14

Kaawat manøgøøni thuwø, Wära ni en maal ba cac man rwääny acielli dëët obwöre moi ni therø ii.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Luk 17:2

Doo beerra eni kiper ŋatøgø ki man twöö kïn guur ŋute, ni leeŋi yi naama dwøŋ, ki man wëëk aciel dëët moi ni therø ii bääyö.

Luk 6:35

'Ba mëërru ki nyïïmännu ni tïïyu gïï mo beyø jïge, ni wëëgu ge mäyö baŋu, ni bäŋ gïn mo ŋääthu ni duua baŋu. 'Ba uuno jïti ki gïn mo dwøŋ maalø, ni tïmu na wäät Jwøa Dwøŋ ni en Maal. Kiper eni ki dëëre mëëye wø nyuthe jø wø kuc dwøk met ec, ki jø raay.

2 Körin 8:12

Kiper ni näk cwïny dhaanhø tar ki man cïpe, ojïëö kaawat mano nut cere, ni eni ba pëënynyi ki gïno tøør cere.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.