Mathiew 10:41 - Wëël Jwøk

⁴¹ Ni ŋat wø jïëc nyikuŋ Jwøk kiper mana näk ena nyikuŋ Jwøk, omooc ki gïn wø mëëk ŋat ma nyikuŋ Jwøk. Ni ŋat wø jïëc ŋat mo beer kiper mana näk ena ŋat mo beer, omooc ki gïn wø mëëk ŋat mo beer.

Mathiew 10:41 Iomraidhean Croise

Wïlöölö 20:7

'Ba ennø, dwøk cï ŋatøgø jïre, kiper ena nyikuŋ Jwøk; køøre eno lämö kiperï kiper niï kwøwï. 'Ba ni näk nyaanøgø ba dwøgï, wär ŋäyï niï thøw møn, ïïni ki jø paarï bëët.»

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 25:44

«Kanyøgøøni jøøa en bäät caam thuwø marge odwøkge, ni ‹?Kwäärö, a yi wäne na jootwa ïïni ni riï da käc, wala riew, wala ïïna wëëlö, wala ï cäädhi ka riï, wala ï tuu, wala ï ena øt twöc, ni kärwa ï kønyø?›

Mathiew 25:45

«Kanyøgø odwøge jïge, na ‹Adïëri møn, a cäänna uuni, ni gïna näk käru tïïö jï dhaanhø aciel mo thiinhnha kare dï moi ii, gïnögø käru tïïö jïra thuwø.›

Mathiew 6:1

«Gwøgu rou nee tïïc mo beer ba tïïyu nyïm jiy kiper nee neenge. Kiper ni näk ma enøgønø, bäŋ gïn mo jootu baŋ Wääu ni en maal.

Mathiew 6:18

nee wödö marï ba joot jiyi, 'ba beeye Wäru ni en maal ni wø neet gïn mo kuc, noo joot gø. 'Ba Wäru ni en maal, ni wø neet gïn mo kuc, ïïno ŋade.

Mathiew 6:4

kiper nee japa cïpï bëëde ni kuc. 'Ba Wäru ni en maal, ni wø neet gïn mo kuc, ïïno ŋade.

Mathiew 6:6

'Ba kanyo wäro lämï, ci yi ødï ni cïëgï odhuulu bäätï ni lämï jï Wäru ni en maal ni wø ba neen. 'Ba Wäru ni en maal, ni wø neet gïn mo kuc, ïïno ŋade.

Mathiew 7:8

Kiper jiy bëët mo wø pëëö, wø di cïbö jïge. Ni ŋat wø määnyö, wø joode joodø. Ni ŋat wø dööŋö, wø di jabø jïre.

Moa Tïïc Nyïïatwieli 16:15

'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.

Wëëlö Mana Göör Pøølli Baŋ Jø Röm 16:23

Uuna määth Geea, ŋati ni bëëda paare en, ni wø pänh jø acooŋ Jwøk bëët. Ni uuna määth Eracta, ŋat wø pääŋ jammi pääny, ki cöögø ma Kwarta. [

1 Körin 9:17

'Ba ni näk gïnögø tïïa ki met ec mara, a doo jïtö ki gïn mo mëëk aani. 'Ba ni näk mo ba tïïa ki met ec mara, beeye tïïc mo wëëga aani.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

2 Jøøn 1:8

Gwøgu dëëtu, kiper nee gïna tïïu kipere nee ba rwäänye jïïu, 'ba nee mana doo ci jïïu nee wëëk uuni na kare.