Mathiew 10:22 - Wëël Jwøk

²² Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 10:22 Iomraidhean Croise

Pwöc Leec Wïc 29:27

Jøøa marge beer yïthge reyø ki jø wø tïïc gïï mo reyø, ni ö jøøa reyø ni raac yïthge ki jøøa marge thïïŋ.

Mathiew 10:39

Ŋat wø gwøk jwïëye, onyääe. 'Ba ŋato nyääk jwïëye kiper nyeŋŋa, ojoode.

Mathiew 24:13

'Ba ŋato jïëny gïïögø këël aŋuunne, opiem.

Mathiew 24:9

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.

Mathiew 5:11

«Gwïëth en bäätu kany wø ö jiyi wø janyge uuni, ni caange uuni, ni kïthge bäätu ki teeŋ luup bëët moa reyø mo patha adïëri kiper nyeŋŋa.

Maak 13:13

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Luk 21:17

Ni ö jiyi bëët ni mänge ki uuni kiper nyeŋŋa.

Luk 21:19

'Ba jwïëyu ojootu ki køør jïëny gïï mo leth moo jwørru.

Luk 6:22

Gwïëth en jïïu kanyo ö jiyi noo mänge ki uuni ni kwierge uuni ni janyge uuni, ni jøøŋge nyeŋŋu kiper mana näk mo uuna bääk Wär Dhaanhø.

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 17:14

Luummï acïba jïge, ni män pinynyi ki geni kiper na ba enge ri mo piny, kaawat mara na ba ena ri mo piny.

Jøøn 7:7

'Ba jø piny ba doo maara männö ki uuni, 'ba beeye aani na mänge ki gø, kiper na caana moa reyø na tïïcge.

Moa Tïïc Nyïïatwieli 9:16

'Ba eno nyutha gïï mo thööth mo jwøre jwørø kiper nyeŋŋa.»

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

2 Körin 4:11

Kiper kany pootwa ni wa kwøw en, waano wëëk thøø cooth kiper nyeŋ Jecu, kiper nee kwøw mar Jecu joot dëëtwa ni bëën thøø en.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Ibaru 3:14

Kiper ø dwäti ka Krictø, ni näk gïna kwøŋø ŋääth yøø maa cwïnynyø møn këël cuŋŋe;

Ibaru 6:11

Ni wa manynya man ö ŋati man nø dïïu, ni put cwïnye cïp køør ŋäädhe mare mar yi nyïm ki teeŋ jöörögø, ni put gø ŋäc na adïëri ki kare bäre, këël cuŋŋe,

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

1 Jøøn 3:13

Kär yïthu thäŋŋö, nyïïmera, kiper mana män pinynyi ki uuni.

Mana Nyooth 2:10

Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:26

«'Ba ŋato böödö, ni gwøk tïïe 'moa këël cuŋŋe, omooa ki teek bäät mïëc piny,

Mana Nyooth 2:3

Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.