Mathiew 10:2 - Wëël Jwøk

² 'Ba nyeŋ nyïïatwieli moa na apaar kurriiø beege ii; mana dïkwøŋ beeye Cayman na cwøl ni Piter, ki coki ma Andaru, ki Jeemeth o Dhebedi, ki coki ma Jøøn,

Mathiew 10:2 Iomraidhean Croise

Mathiew 17:1

'Ba kanya tïme na køør nïne abïciel, Jecu, Piter ki Jeemeth ki coki ma Jøøn akäle ni kïth ge wï kïdi mo bäär na ge keerge.

Mathiew 20:20

'Ba kanyøgø mii wäät Dhebedi aö baŋ Jecu ni eni cäädhi ka wääte. Ni këël cøŋŋe piny nyïme, ni pëëny gø ki gïrpiny.

Mathiew 26:37

Køøre eni Piter, ki wäät Dhebedi karge riet alwøre ni aae ki geni. 'Ba ena tïmö ni kïmmö ni cwïnye opädhö døc.

Mathiew 4:18

'Ba kanya ö Jecu na cäädhe bäät Puul Galili, eni nyïïmëëe ariiø ajoode, ni beeye Cayman na cwøl ni Piter ki coki ma Andaru, ni ge lëëŋö ka ajääp yi naam, kiper gena dïbïth rec.

Mathiew 4:21

'Ba na pöödhe, nyïïmëëe ariiø møøk ajoode, ni beeye Jeemeth o Dhebedi ki coki ma Jøøn, ni ge ena yi jääy ki wääge ma Dhebedi, ni ge kwuö ka ajääpi moge. Ni ö Jecu ni cwøl geni.

Maak 1:29

'Ba kanya öge wøk ki yi øt acooŋ lam, Jecu ki Jeemeth ki Jøøn aput ci po Cayman ki Andaru.

Maak 13:3

'Ba kanya ö Jecu na pï piny bäät Kïn Ølip na dïët ki nyïm Øt Jwøk Mana Dwøŋ, ena pëëny Piterri, ki Jeemeth, ki Jøøn, ki Andaru kur keerge,

Maak 6:30

Ni ö nyïïatwieli ni duuge baŋ Jecu ni caange gïïa tïïcge ki pwöc bëët moa pööge ki gø jïgø.

Luk 11:49

Ni beeye na caani ya Jwøki ki leec wïïe, ni ‹Aano jääk baŋge ki nyïïkuk Jwøk ki nyïïatwieli. 'Ba møøk dïge onäkge, ni caange møøk,›

Luk 22:14

'Ba na päŋ caae, Jecu apï piny kar cam ki nyïïatwieli na aciel.

Luk 22:8

Jecu Piter ki Jøøn ajääŋŋe, ni kööe, ni «Cou ni jiiŋŋu cam cäŋ Cäŋa Pööth Thøøe Yie kiperø, nee camø.»

Luk 5:10

Këël Jeemeth ki Jøøn wäät Dhebedi, na näk jø wø bïdhö ki Cayman, gena bwøk thuwø. 'Ba Jecu aköö jï Cayman, ni «Kärï lwäyö. Køør man ennø, ïïno tïmö na dïbïth jiy.»

Luk 9:10

'Ba na duu nyïïatwietøgø, gïïa tïïcge bëët acaange jï Jecu. Ni ö Jecu ni käl geni, ni daa paac mør mo cwøl ni Betheeda.

Jøøn 12:22

Ni ci Pilipi ni caan gø jï Andaru. Ni ci Andaru ki Pilip ni caange gø jï Jecu.

Jøøn 13:23

'Ba dhaanhø aciel dï bääge mana mëër Jecu ki gøøni, ree ee nyaaŋ piny na akicge cään ki Jecu.

Jøøn 20:2

Køøre ena reeŋø ni ci baŋ Cayman Piter ki bääŋ maya, ŋata mëër Jecu ki gø, ni kööe jïge, «Geni dëër Kwäärö ege käl wøk yi bwörö, 'ba kanya kïthge gø yie kucwa.»

Jøøn 21:2

Cayman Piter, ki Tøma na cwøl na Acwiek, ki Nathaniel nyï Keena paana en yi Galili, ki wäät Dhebedi, ki bääge ariiø møøk, geno dwät kanya ciel bëët.

Jøøn 21:20

'Ba Piter ree aløøe ni joot bääŋ mana mëër Jecu ki gøøni ni lämma køørge, ŋata nyaaŋ ree piny buut Jecu kar cam, na köö, ni «?Kwäärö, aŋa noo cïp ïïni ceŋ nyïïmän?»

Jøøn 21:24

'Ba bääŋ manøca beeye ni caan mare en kiper gïïögøøni, ni beeye ni göör gïï ii. Ni ŋääø ni mana caane, adïëri.

Jøøn 6:67

'Ba Jecu aköö jï jøøa näk apaar kurriiø, «?A uuni, u aay thuwø?»

Jøøn 6:70

Ni løgi ya Jecu jïge, na «?Aŋø, paa aani na jier uuni ni uuna apaar kurriiø, ni ö acielli røgu ni jït ree ka anägö?»

Jøøn 6:71

'Ba eni cäänö kaper Juudac o Cayman Ickarïët, kiper beeye eni noo cïp Jecu ceŋ nyïïmän, ni ena bääŋ aciel røk jøøa näk apaar kurriiø.

Jøøn 6:8

'Ba dhaanhø aciel dï bääge, ni beeye Andaru cöök Cayman Piter, aköö jïre,

Moa Tïïc Nyïïatwieli 1:13

'Ba na duuge, gena ci maal yi øtø kanya bëëtge yie. Ni beeye Piter ki Jøøn ki Jeemeth ki Andaru, ki Pilip, ki Tøma, ki Barthølömu, ki Mathiew, ki Jeemeth wär Alpia, ki Cayman na näk Dhelat, ki Juudac o Jeemeth.

Moa Tïïc Nyïïatwieli 1:26

Ni ö geni ni tïmge ki ŋïïce, ni päth wï Mathaya. Ni put dwätö ki nyïïatwieli na näk apaar kurciel.

Moa Tïïc Nyïïatwieli 12:2

Ni wëëk Jeemeth cöök Jøønni 'näk ko opëëllö.

Moa Tïïc Nyïïatwieli 3:1

Kanyøgø Piter ki Jøøn gena aay ni ge cøøa Øt Jwøk Mana Dwøŋ ki kar caae adäk ka abøøya kany wø läm jiyi.

1 Körin 15:7

'Ba køøre dëëre anyuth Jeemeth. Køør manøgø, dëëre anyuth nyïïatwieli bëët.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Ibaru 3:1

Kiper manøgønø, nyïïmera, u na en kur keeru na mo Jwøk, ni nywaak cwönna öö ki maal, caarru gïr Jecu, na näk Nyïïatwiel na Kwääy Lam Mana Dwøŋ mana jïëø ki gø.

1 Piter 1:1

Aana Piter na näk nyïïatwiel mar Jecu Krictø, a määtha u na jø Jwøk na näk okeethø, ni wø bëëdö na wëëlle yi Pønta, ki Galeecia, ki Kapadöcia, ki Eecia, ki Bithinia,

2 Piter 1:1

Aana Cayman Piter na laŋŋø na nyïïatwiel Jecu Krictø, a määtha uuni, u na wëëk ŋäädhe mo röömi ki marwa ki ri beeny Jwøk marø, ge ki Pïëmi ma Jecu Krictø.

2 Jøøn 1:1

Aana jaan acooŋ Jwøk naa määtha dhaaŋŋa näk ojierø ki nyïïe, jøøa mëëra ki geni ki ra adïëri, ni patha a keera, 'ba këël jøøa ŋäc adïëri bëët thuwø,

3 Jøøn 1:1

Aana jaan acooŋ Jwøk, naa määtha ïïni, ï na Geea, ï na nyawatwa mana mëëra ki gø ki ra adïëri.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 22:8

Aana Jøøn, ŋata wïny gïïögø ni neen geni. 'Ba na wïnynya ge ni neena geni, aana päth tiet nyïïatwiel maal manøgø, ŋata nyooth ge jïra, nee wøøra.