Mathiew 10:15 - Wëël Jwøk

¹⁵ Adïëri møn, a cäänna uuni, noo tïmö ni theemma ajäl Cødam ki Gømöra ka ajäl paanøca dïcäŋo ŋøl luup yie.

Mathiew 10:15 Iomraidhean Croise

Mathiew 12:36

'Ba a cäänna uuni, ni dïcäŋo ŋøl luup yie, luup bëët mo wø caan jiyi ni bäŋ tietge jaak, ocäŋ døø wïthge.

Mathiew 5:18

Kiper adïëri møn, a cäänna uuni, ni këël kanyo räny maalli ki piny, thääŋ piil ciik Jwøk mo thiinh ba doo rwäänyö, këël mano thur jammi moa wäŋŋi bëët karge.

Mathiew 7:22

'Ba dïcäŋöca jiy mo thööth oköö ki aani, ni ‹?Kwäärö, Kwäärö, aŋø, luum Jwøk kärwa købø ki nyeŋŋï, ni riemwa anäge wøk ki nyeŋŋï, ni tïïcwa tïïe mo thööth mo døøŋŋø ki nyeŋŋï?›

Maak 6:11

'Ba ni näk da paac mou ba pänhnhe, ni kweerge ki man wïnyge maru, tør tietu wär teeŋŋu kanyo aayu nee tïme na nyuudhi dëëtge.»

Jøøn 12:48

'Ba ŋat wø kweer ki aani ni ba wïny luup moa caana, da ŋat mo ŋøla luumme piny. Ni beeye luubö mana kwøŋa caan noo ŋøl mare piny yi cäŋo cuŋ pinynyi yie.

Jøøn 6:39

Ni mana many Ŋata jääŋ aani beeye en, ni bäŋe ŋat mo rwäänya ri jøøa cïbe jïra bëët, 'ba beeye ki man tïŋa ge maal yi cäŋo cuŋ pinynyi yie.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

1 Körin 3:13

ŋati man nø tïïe onyooth. Kiper onyooth dïcäŋöca, kiper geno jier ki maac, ni ö maaci ni pääny ge ki man näk teeŋ tïïe mo nyïëdi na tïïc ŋati man nø.

1 Thecalönika 5:4

'Ba nyïïmera, u ba en yi muudhö ki man thäŋ cwïnynyu ki cäŋöce noo caal kuu.

Ibaru 10:25

ni ba wiiø røømmø kar acooŋ Jwøk, kaawat man wø tïïc jø møga, 'ba cømø cwïnynyø kaa man ŋäyu gøøni enø ni cäŋ Wuuö Jwøk kare acäännö.

2 Piter 2:6

Ni døøc pääny Cødam ki pääny Gømöra bur, ni dïïr wïthge bëët, ni tïïya ge na nyuudhi jï jø raay.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.

2 Piter 3:7

Ni poot na dwørøgø, ni piny ki maal ni nut ii, ge bëëdö ni ge bëënna maac, ni geno wiiø këël dïcäŋo ŋøl luup yie, cäŋ mano raany jø wø ba wøør Jwøk.

1 Jøøn 4:17

Ni beeye gïnögø na thur mëërri kare cwïnynyø, kiper nøø bëëdø ni cwïnynyø da ŋäädhe kiper cäŋa näk cäŋ ŋøl luup. Kiper kany bëëdø pinyi en, ø bëëdö keda manø bëëde.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.

Juut 1:7

Kaawat manøgø thuwø, Cødam ki Gømöra ki mïëri moa en deŋge, jøøa cïp dëëtge køør käp ni ge kapa dëëtge na enønø thuwø, atïmö na nyuudhi ki køør mana jääl geni ki maaa näk bäŋ cuŋŋe.