Mathiew 10:14 - Wëël Jwøk

¹⁴ 'Ba ni näk da ŋat mou ba pänhnhe ni ba wïny luupu, kanyo aayu ødøca wala paanøca, tør tietu wär teeŋu yie.

Mathiew 10:14 Iomraidhean Croise

Neemiya 5:13

Aani thuwø, aleeŋŋa mara abäänya wøk dëëra ni teeŋa gø ni kööa, ni «Ŋato ba jïëc luubö man mana näk ocaanø, eno tëëŋ Jwøki wøk øde, ni tëëŋ jape wøk cere kaawat aleeŋŋa mara man na teeŋa en; eno tëëŋ wøk møn, ni dööŋe ni bäŋ gïn mo ena jïre.» 'Ba acooŋa bäre gïnögø aputge jøl, ni «Beeye kare.» Ni ö geni ni putge Wuuö Jwøk pwøc. Ni ö jiyi ni putge gïnögø tïïc ki køør luubö mana näk ocaanø.

Mathiew 10:13

'Ba noo näk mo jø paac mo beer, bëët-mëër maru wär wëëgu bëëtö yie. 'Ba noo näk mo ba beer, bëët-mëër maru wär duu baŋu.

Mathiew 18:5

Ni ŋat wäro pänh nyilaal mo caala man ki nyeŋŋa, eni pänhnha aani.

Maak 6:11

'Ba ni näk da paac mou ba pänhnhe, ni kweerge ki man wïnyge maru, tør tietu wär teeŋŋu kanyo aayu nee tïme na nyuudhi dëëtge.»

Maak 9:37

ni «Ŋat wäro pänh nyilaal mo caala man ki nyeŋŋa, eni pänhnha aani. Ni ŋat wäro pänh aani, ba pänh aani, 'ba pänhnha eni na jääŋ aani.»

Luk 9:48

ni kööe jïge, ni «Ŋato wäro jïëc nyilaari ki nyeŋŋa, jïëya aani. Ni ŋato wäro jïëc aani, jïëya ŋata jääŋ aani. Kiper ŋato wäro kare thiinhnha eni dïïu bëët, beeye ŋato kare dwøŋŋa eni.»

Luk 9:5

'Ba kanyo ba pänh uuni yie, kanyo tïŋŋu paanøca, wär tør tietu teeŋu yie, nee tïme na nyuudhi dëëtge.»

Jøøn 13:20

Adïëri møn a caana gø jïïu, ni ŋat wäro jïëc ŋato jääŋŋa, jïëya aani; ni ŋato wäro jïëc aani, jïëya eni na jääŋ aani.»

Moa Tïïc Nyïïatwieli 13:51

'Ba geni tør tietge ateeŋge piny paanøgø, ni cige Ayköniem.

Moa Tïïc Nyïïatwieli 18:6

'Ba na kwierge luumme ni janyge eni, abïïge akenye, ni kööe jïge, ni «Remø maru odööŋ wïthu. A tøør yie. Køør man ennø, a cøøa baŋ juurre.»

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.