Mathiew 1:20 - Wëël Jwøk

²⁰ 'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 1:20 Iomraidhean Croise

Wïlöölö 31:11

Køøre nyïïatwiel Jwøk aköö jïra ki yïth lääk, ni ‹Jeekap,› ni kööa, ni ‹Aani en.›

Wïlöölö 46:3

Køøre Jwøk aköö, «Aana Jwøk, Jwøa näk Jwø wäru. Kärï lwäyö ki man ciï Ijep, kiper ïïno tïïa na wï jur mo dwøŋ kunöce.

1 Nyeye 17:13

'Ba Ilaaja aköö jïre, ni «Kärï lwäyö. Ciï ni tïïyï gø kaawat mana caanï. 'Ba wärï kwøŋ tëëdö dëëre jïra ki dääpö mo thiinh ni kälï gø baŋa. Køøre nø, ïïno tëëdö kiperï ki wäädï.

1 Nyeye 3:5

'Ba kanya en Cølömanni Gibien, Wuuö Jwøk ree anyoodhe jïre ki yïth lääk ki wäär; ni kööe jïre, ni «Pëëny gïna manynyï nee cïba jïrï.»

Pwöc Leec Wïc 12:5

Acaare mo jøøa marge beer beege adïëri, 'ba pwöc mo jøøa reyø beege cwøk.

Aydheea 26:3

Wui Wuuö Jwøk, ŋat wø bëëdö ni cwïnye ee maa dëërï, mooyï mooø ki jwöm ki yi cwïnye, kiper eni bëëdö ni ŋäätha ïïni.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 7:13

Køøre Aydheea aköö, «Wui, u na dhi Øt Deebit, cegu ïthu ennø. ?Aŋø, ki man cwaatu yïth jiy atïmö ni thiinh kiperu, ni tïmu nou daa baŋ Jwøk mara nou cwaata yie en?

Aydheea 7:2

'Ba kanya caani jï dhi øt Deebit, ni køp, ni «Jø Aram twïër marge anø tïïcge yi ŋööm Ipariem,» nyeya ma Eeyeth ki jiye cwïnyge abwøk døc, ni tïme kaawat man wø ö jer lulli wø jäŋi ya jamø.

Jeremaya 31:22

?Wui, nyaara ma Icriel, ï ni cwïnyï ogaa wøk en, a këël kany mo nyïëdi nø noo bëëdï niï wïdö jaak? Kiper Wuuö Jwøk tïïö ki gïn mo nyään bäät piny, ni beeye ni dhaagø dïcwøø gwøe gwøø.»

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Jeremaya 40:9

Køøre Gedaliya wär Akikam o Capan akööŋ jï jøøgø ki jø leny moge, ni kööe, ni «Käru lwäyö ki man tïnynyu jø Babiløn. 'Ba bëëdu yi ŋöömö man, ni tïnynyu nyeny Babiløn; køøre bëëtö maru tïmö ni beer.

Jool 2:28

«'Ba noo tïme na køør gïïögø, aani, Jwïëy 'moa kïtha bäät jiy bëët, ni ö wäätu ki nyïïu ni køpge dwøra, ni ö jäle mou ni läkge ki lääk, ni ö wøpe mou ni neenge jammi mo nyïm mo wø nyooth ki yi wïc.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Mathiew 1:18

'Ba lwaar mana lwaarø ki Jecu Krictø ki gø, na täge, tägi na ennø nø. Menni ma Meeri onø miek jï Jocep nee nywøme. 'Ba kanya poode ni dëëtge poot kärge joodø, ena joot ni yie da dhaanhø mo cïpa Jwïëc Jwøki na en kur keere.

Mathiew 2:12

'Ba kiper mana tïme ni geno kööm Jwøki ki yïth lääk, ni kärge døø baŋ Eerat, gena aay ki jöö mør ni døøge poge.

Mathiew 2:13

'Ba kanya nø døø jø wø kwaan ceer poge, nyïïatwiel maal mar Wuuö aö bäät Jocep ki yïth lääk ni kööe, ni «Ö maal ni lwørï nyilaal ki menni ni reŋŋï Ijep, ni bëëdï kunöce këël kanyo dee gïn caana jïrï. Kiper Eerat tïmö ni manynya kar nyilaal nee nyilaal nääe.»

Mathiew 2:19

'Ba kanya thøw Eerati, nyïïatwiel maal mar Wuuö aö bäät Jocep ki yïth lääk kanya en Ijep, ni kööe,

Mathiew 2:22

'Ba kanya wïnynyi Jocepi ni Arkelia odööŋ Judia na kwäärö kar wänni ma Eerat, ena lwäyö ki ciin kaace. 'Ba kiper mana näk eno kööm Jwøki ki yïth lääk, ena daa Galili.

Mathiew 27:19

'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»

Mathiew 28:5

'Ba määrögø aluum nyïïatwiel maalli ni kööe, ni «Käru lwäyö. Kiper ŋääa nou caya Jecu na gur bäät jaadha no odëëdö.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Luk 2:4

'Ba Jocep thuwø, ena tïŋŋö yi Galili yi paac mo cwøl ni Nadhareth, ni cøøa Bethelem po Deebit, na en yi Judia, kiper eni käla dhi øt Deebit,

Moa Tïïc Nyïïatwieli 5:19

'Ba na tïme na wäär, nyïïatwiel maal mør mar Wuuö odhuuth øt twöc ajabe ni käl geni wøgø, ni kööe,

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Pïëmme 13:3

Køøre Wuuö Jwøk ree anyoodhe kaamar nyïïatwiel maal jï nyijøøgø ni kööe jïgø, «Neenï, ïïni, ïïna dhaagø ma bwøc mo bäŋ obwöre mo iï nywølø; 'ba ïïno jïti ki dhaanhø ni lwaarï ki gø na dïcwøø.