Mathiew 1:12 - Wëël Jwøk

¹² 'Ba ki køør mana nø duu jø Juuthi ki Babiløn, Jekönaya Cieltiel anywøle. Ni Cieltiel beeye wää Dherubabel,

Mathiew 1:12 Iomraidhean Croise

2 Nyeye 24:14

Ni ö eni thuwø ni käl jø Jerucalem bëët, ni beege kwääc jø leny bëët, ki jø mo kwörge døøŋŋø bëët, ki rëëmme bëët, ni bäŋe jiy mo ee wiiø; ni jøøgø bëët jïtö ki kar kume apaar; 'ba beege jøøa can døc keerge na bëëdö yi ŋöömmögø na wiie.

2 Nyeye 25:27

'Ba kanya tïm cwiiri na pïëradäk ka abïriiø moa mak Jöakin nyeny Juuda ki tøŋ yie na kïthi Babiløn, kanya tïm nïr dwää apaar kurriiø ni pïërariiø ka abïriiø, Ëwil-Merödak nyeny Babiløn Jöakin nyeny Juuda apäde. 'Ba gïnögø atïïe yi cwiina tïme yie ni ena nyeya.

1 Luup Nyeye 3:17

Jø moa käl dëër Jekönaya kanya maai ki tøŋ beege: wääde ma Celatiyal,

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Neemiya 12:1

'Ba moi beege nyeŋ dïlämme ki nyeŋ jø tuuŋ Libay moa kwøŋ duuö ki Babiløn ni ge cäädhi ka Dherubabel o Celatiyal, ki Jøcua na näk Kwääy Lam Mana Dwøŋ. Ni nyeŋ dïlämme beeye Ceraya, ki Jeremaya, ki Edhera,

Jeremaya 22:24

Wuuö Jwøk akööŋ ŋëëte keere, ni kööe jï Jekönaya wär Jeyöakëm, nyeny Juuda, ni «Këël doo na ï bëëdö kaamar ogut lweedø man ni pere leth ni cer cwïïa en, ï daa käla wøk.

Jeremaya 22:28

Ennø, nyenøgø na Jekönaya enø, atïmö ni caala dak mo othøw mo pere ba leth, na dak mo bäŋ ŋat mo many gø këët, ni beeye na wet eni ki wääte en, ni leeŋ geni yi ŋöömö mo kucge.

Jeremaya 22:30

Mana caan Wuuö Jwøki beeye en, ena köö, «Göör nyeŋ Jekönaya piny na dhaanhø mo kee bäŋ wïïe mo ee nywølø, na dhaanhø mo bëëtö mare ba bëënynyi ki yïth nïr kwøw moe; kiper ki røk jiy moo käl dëëre, bäŋ dhaanhø mo bëënynyi, ni bäŋ dhaanhø mo pï piny bäät wäl Deebit, ni bäŋ dhaanhø mo käär jø Juuda.»

Jeremaya 27:20

na näk kär käl Nabukedenecörri nyeny Babiløn, kanya käl Jekönaya wär Jeyöakëm nyeny Juuda ni maae ki tøŋ Jerucalem ni kïth gø Babiløn, ki jøøa kwörge døøŋŋø bëët mo wø bëëdö Jerucalem ki dï Juuda bäre.

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:12

Køøre Dherubabel o Celatiyal, ki Jøcua wär Jöcëdëk, na näk Kwääy Lam Mana Dwøŋ, ki jiy bëët moa no odööŋ na bøth dhøk gïï mo leth, gena jïëy ki dwør Wuuö Jwøk, Jwøk marge, ki luubö mana car nyikuŋ Jwøki ma Agëë, kiper mana ö Wuuö Jwøk, Jwøk marge na jääŋ gø baŋge. Ni ö jiyi ni putge lwäyö ki Wuuö Jwøk.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Agëë 2:2

ni «Caanï jï Dherubabel o Celatiyal eni na kwäärö mar akwöm Juuda, ki Jøcua wär Jöcëdëk, eni na Kwääy Lam Mana Dwøŋ, ki jiy moa dööŋ na bøth dhøk gïï mo leth, ni kööï,

Agëë 2:23

«'Ba Wuuö Jwøk, eni na wïth jammi bëët, aköö, ni ‹Noo tïme na dïcäŋeca, ï na dhaanhnha ma Dherubabel o Celatiyal, ï lwøra lwørø ni tïïa ïïni kaamar ogut lweedø mara mana näk ree da ŋïï, kiper ï yaa jierø.› Manøgø caana Wuuö Jwøki, eni na wïth jammi bëët.»

Mathiew 1:11

ni ö Jöcaya ni näk wää Jekönaya ki nyïïmenni. 'Ba kar kaagø beeye kanya ö jø Juuthi na magi ya jø Babilønni ni kïthge ge poge.

Mathiew 1:13

ni ö Dherubabelli ni näk wää Abut, ni ö Abuti ni näk wää Eliekim, ni ö Eliekimmi ni näk wää Eedhör,

Mathiew 1:17

'Ba ki mana täge ki ri Eeberam këël mana këët ri Deebit, beege beenhnhe apaar kurŋween. Ni ki mana täge ki ri Deebit këël kanya kïth jø Juuth Babiløn, beege beenhnhe apaar kurŋween. Ni ki mana täge ki kanya kïth jø Juuth Babiløn këël mana këët ri Krictø, beege beenhnhe apaar kurŋween.

Luk 3:27

Juuda o Jöwaanan, Jöwaanan o Reeca, Reeca o Dherubabel, Dherubabel o Cieltiel, Cieltiel o Neeri,