Mathiew 1:11 - Wëël Jwøk

¹¹ ni ö Jöcaya ni näk wää Jekönaya ki nyïïmenni. 'Ba kar kaagø beeye kanya ö jø Juuthi na magi ya jø Babilønni ni kïthge ge poge.

Mathiew 1:11 Iomraidhean Croise

2 Nyeye 23:31

'Ba Jeyöakac kanya tïme na nyeya, cwiic dööŋö moe pïërariiø kurdäk, ni bëëde ni ena nyeya ki dwäde adäk yi Jerucalem. 'Ba nyeŋ menni beeye Amutal nyi Jeremaya nyï Libana.

2 Nyeye 24:14

Ni ö eni thuwø ni käl jø Jerucalem bëët, ni beege kwääc jø leny bëët, ki jø mo kwörge døøŋŋø bëët, ki rëëmme bëët, ni bäŋe jiy mo ee wiiø; ni jøøgø bëët jïtö ki kar kume apaar; 'ba beege jøøa can døc keerge na bëëdö yi ŋöömmögø na wiie.

2 Nyeye 25:11

Ni ö jiyi moa no odööŋ yi pääny, ki jiy moa cïp ceŋge jï nyeny Babiløn, ki jiy moa thööth na en yi ŋöömmögø bëët ni käli ya Nabucaradan kwääy jø koor ni maae ka tøŋ.

2 Luup Nyeye 36:10

'Ba kanya tïme ni piny arïïa, nyeya ma Nabukedenecör aöönnö ki jiy ni käl Jöakin ki jammi moa perge leth mo Øt Wuuö Jwøk ni kïth ge baŋe Babiløn, ni tïïc Cëdëkiya cöök wää Jöakinni na nyeya bäät Juuda ki Jerucalem.

2 Luup Nyeye 36:20

'Ba jiy bëët moa bøth ki thøø dho opëëllö amak nyenynyøgø ki tøŋ ni kïth ge Babiløn, ni putge bëëte ni gena laaŋe mo nyenynyøgø ki wääte këël kanya täk buc nyeci mar jø Parca.

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Jeremaya 27:20

na näk kär käl Nabukedenecörri nyeny Babiløn, kanya käl Jekönaya wär Jeyöakëm nyeny Juuda ni maae ki tøŋ Jerucalem ni kïth gø Babiløn, ki jøøa kwörge døøŋŋø bëët mo wø bëëdö Jerucalem ki dï Juuda bäre.

Jeremaya 39:9

Ni ö Nabucaradanni kwääc jø koor ni käl jiy moa dööŋ dï pääny, ki jiy moa cïp ceŋge jïre, ki jiy møga moa dööŋ, ni kïth geni Babiløn ni maae ka tøŋ.

Daniel 1:2

'Ba Kwäärö Wuuö Jwøk Jeyöakëm nyeny Juuda acïp cer Nabukedenecör ki jap Øt Jwøk møøk, ni ö Nabukedenecörri ni kïth geni yi ŋööm Cinaar yi øt jwøe, ni kïth jap Øt Jwøk kar kän yi øt jwøe.

Mathiew 1:12

'Ba ki køør mana nø duu jø Juuthi ki Babiløn, Jekönaya Cieltiel anywøle. Ni Cieltiel beeye wää Dherubabel,

Mathiew 1:17

'Ba ki mana täge ki ri Eeberam këël mana këët ri Deebit, beege beenhnhe apaar kurŋween. Ni ki mana täge ki ri Deebit këël kanya kïth jø Juuth Babiløn, beege beenhnhe apaar kurŋween. Ni ki mana täge ki kanya kïth jø Juuth Babiløn këël mana këët ri Krictø, beege beenhnhe apaar kurŋween.