Mathiew 1:1 - Wëël Jwøk

¹ Man beeye tier tuuŋ mar Jecu Krictø na käl ri Deebit na käl ri Eeberam.

Mathiew 1:1 Iomraidhean Croise

Wïlöölö 12:3

Ni jøw wäro gwïëth ïïni, gwïëdha gwïëdhö; ni ŋat wäro cien ïïni, ciena cienø thuwø. 'Ba wïth tuŋi bëët mo bäät piny ogwïëth ki køørï.»

Wïlöölö 2:4

Man beeye luum cwääc mana cwääc maal ki piny ki gø. Kanya ö Wuuö Jwøki na cwääc maal ki piny,

Wïlöölö 22:18

Ni ö wïth juurre mo bäät piny bëët ni gwïëdhi ki køør nyïïkwaayï, kiper mana leŋï dwøra.› »

Wïlöölö 5:1

Man beeye luum nyïïkwaac Adam. Dïcäŋa ö Wuuö Jwøki na cwääc dhaanhø, eni dhaanhø acwääe ni rööma Jwøk.

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 53:8

Ena käl ni di caarø ni kïtha baŋ ajäla. 'Ba yi beenhnhø maneca, bäŋ ŋat mo ocädö kiper gïno tägi yi nyïm, kiper ena ŋul wøk yi ŋöömö mana näk mar kwøw, ni jwør gïï mo leth kiper raay mo jø pøø.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 33:26

løny jïra ki man kwiera nyïïkwaac Jeekap, ki dhaanhnha ma Deebit, ni bäŋe ŋat mo kwanya këët røk nyïïkwaaye mo käär jiya ma nyïïkwaac Eeberam ka Aydhak ki Jeekap. 'Ba ge ba kwiera; bëëtö marge odwøga kare, ni nyoodha mëër mara jïge.»

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Mathiew 1:18

'Ba lwaar mana lwaarø ki Jecu Krictø ki gø, na täge, tägi na ennø nø. Menni ma Meeri onø miek jï Jocep nee nywøme. 'Ba kanya poode ni dëëtge poot kärge joodø, ena joot ni yie da dhaanhø mo cïpa Jwïëc Jwøki na en kur keere.

Mathiew 1:2

'Ba Eeberam beeye wää Aydhak, ni ö Aydhaki ni näk wää Jeekap, ni ö Jeekapi ni näk wää Juuda ki nyïïmenni,

Mathiew 15:22

Kanyøgøøni, nyijø Keenan mo bëëdö paanøce aöö ni rëëdö ni kööe, ni «Køny canna, Kwäärö, Nyikwaar Deebit. Nyaara omak anägö ni teek døc.»

Mathiew 3:16

'Ba Jecu kanya nø lwøi na nyuudhi, ena put ö wøk ki yïth pïï. Kanyøgø maal ree ajabe, ni neen Jwïëc Jwøk ni ööa piny kaamar akuuru ni pï bääte.

Mathiew 9:27

'Ba kanya ö Jecu na pöödhe ki kaace, jak ma ariiø ma cööye aläp køøre, ni ge rëëdö døc, ni «Wui, Nyikwaar Deebit, køny canwa!»

Luk 1:33

ni ö jø dhi øt Jeekap ni bëën eni na bäre bäre, ni bëët buye ni bäŋ cuŋŋe.»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Moa Tïïc Nyïïatwieli 2:30

'Ba kiper mana näk ena nyikuŋ Jwøk ni ŋääe ni Jwøk onø kööŋ jïre ni dhaanhø aciel røk nyïïkwaaye ocïp bäät wälle,

Wëëlö Mana Göör Pøølli Baŋ Jø Röm 1:3

Ni luummögø na nyään na met enø beeye luubö kiper Wääde na nywöli na dhaanhø ki ri nyïïkwaac Deebit.

Wëëlö Mana Göör Pøølli Baŋ Jø Röm 4:13

'Ba gïna buuk jï Eeberam ki nyïïkwaaye, ni piny doo cøøa jïge, kär öö ki køør ciik Jwøk, 'ba ööi ka køør bëënynyö man wø en ri ŋäädhe.

Wëëlö Mana Göör Pøølli Baŋ Jø Röm 9:5

ni kwäre moa døøŋŋø beege moge. Ni bee ki rege na nywøl Krictø na dhaanhø, eni na Jwøk na en bäät jammi bëët na doo pwøø na bäre bäre. Enøgønø.

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

1 Timöthi 2:5

Kiper beeye Jwøk aciel, ki nyïjöö aciel keere ni en yïthakic Jwøk ki jiy, ni beeye dhaanhnha näk Krictø Jecu,

2 Timöthi 2:8

Lääŋ Jecu Krictø na tïŋ maal ki yi thøø, na näk nyikwaar Deebit, kaawat mana en ri luumma nyään na met na caana,

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»