Mana Nyooth 9:21 - Wëël Jwøk

²¹ Ni cwïnyge kärge løø ki 'näk marge man wø 'näkge jiy, wala thïëth marge, wala käp marge, wala käw marge.

Mana Nyooth 9:21 Iomraidhean Croise

Aydheea 47:12

«'Ba ennø, put bëëtö niï poot tïïya tïïe mo wø tïïyï ki thïëth marï, ki jap ajuuk moï na thööth, na bëëdï niï tïïya ge ki mana kälï thïnhö; kanymør niï köö ni duunnö riï, ni kanymør jiy tïïyï tïïö nee lwäcge.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 57:3

Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Daniel 11:33

«'Ba dïbwöthe moa wïthge leer, ge cïpö ki pwöc jï jiy mo thööth. 'Ba geni, ge di nääö ri leny, ni waaŋ møøk ki maac, ni mak møøk ki tøŋ, ni twier møøk ki kany mo bäär mëëth.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

2 Körin 12:21

A lwäär kiper kanyo cäŋa duu baŋu, Jwøk mara waŋa odøøc mo law nyïmmu, ni kïmma ki gïr jøø ni thööth no obääyö yøø, ni ge poot bëëdö ni cwïnyge ba løkge ki man wecge rääö, ki käp, ki jap laac wïc na tïïcge.

Galeecia 5:20

ki wøør juu møøk, ki thïëth, ki män, ki pïëm, ki keec, ki wëër, ki ŋäc røk keel, ki wëëye, ki pääŋ røk,

Mana Nyooth 13:13

Ni eni wø tïïö ki ŋïïce mo døøŋŋø døc, mo këëlla maac wëëge ööny piny ki maal ni nëënö jï jiy.

Mana Nyooth 13:15

Ni eno wëëk man mooc kït Läänögø na näk ocwääö ki jwïëy, kiper nee kït Läänögø tïme ni cäänö, nee jø wø ba wøør kït Läänögø 'näk.

Mana Nyooth 13:7

Ni eno wiiø ki man këëde ki jø Jwøk thuwø nee jø Jwøk bööte. Ni eno mooø ki teek bäät wïth tuŋi bëët, ki wïth juurre bëët, ki bäät teeŋ dhøgi bëët, ki tiet mïëri bëët.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 17:2

dhaaŋŋa ö nyec pinynyi na käpge ki gø, dhaaŋŋa ö jø bëëdö bäät piny ni meerge ki køøŋ käp mare.»

Mana Nyooth 17:4

Ni dhaaŋŋøgø käära abïïe ma dïmuur ki mo kwaar, ni dëëre ee tïïö ni mïërö ki warkey, ki tii ma teeŋi, ni cere da athöödhi ma warkey mo päŋ ki gïï mo reyø døc ki rääc käp mare.

Mana Nyooth 17:5

'Ba täärnyïme nyeŋ mo tiere okanø ogöör yie, ni «Babiløn na dwøŋ, na näk mii kääpe ki rääö mar piny.»

Mana Nyooth 18:3

Kiper mïëri bëët amädhö ki køøŋø mar käp mare, ni ö nyec pinynyi ni käpge ki gø, ni ö jø wø dääbö ki japge piny ni kwärge ki køør käp mare na raac døc.»

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.