Mana Nyooth 9:20 - Wëël Jwøk

²⁰ 'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.

Mana Nyooth 9:20 Iomraidhean Croise

2 Nyeye 22:17

Kiper aana kwierge, ni wääŋge ki jer wø jïcge ŋwääi ni met jï juu møøk ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara liel bäät paani kaamar maac, ni bëëde ni ba cuŋ.›

2 Luup Nyeye 28:22

'Ba ki yïth nïne moa beet nyeya ma Eeyeth ni gïï mo leth tägö dëëre, eni poot bëëdö ni meeta bääyö mare nyïm Wuuö Jwøk.

2 Luup Nyeye 34:25

Kiper aana wecge ni wääŋge ki jer wø jïcge ŋwääi ni met jï juu møøk, ni ge tïïya aani naa goota ki køør tïïe bëët moa temge ki ceŋge. Kiper manøgønø, wëër mara kïtha bäät Jerucalem, ni bëëde ni ba cuŋ.›

Aydheea 2:8

Ŋöömö marge bëëdö no opäŋ ki gïï wø lam na tïïcge ki ceŋge, ni ge wøøra gïïögø na tïïcge ki lweetge.

Aydheea 41:7

'Ba rëëmmö cwïny ŋat wø leeny warkey ocøme, ni ö ŋat wø den nywïëny ki guduum nee tïmge ni pøøth ni cøm cwïny ŋat thääth, ni ge köö jï ŋat wø kup nywïëny, ni ‹Tïïc marï beer;› ni ö ŋat gur ni put kït gïn wø lam cwöth piny ni teek, ni gur gø ki mucumääre nee ba pädhe.

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 25:6

Ni ba cäädhu køør juu møøk nee geni tïnynyu ni wøørru geni. Ni ba tïïu ki juu møøk ki ceŋŋu nee cwïnya ba raanynyu; køøre a ba tïïö dëëtu ki gïn mo leth.›

Jeremaya 44:8

?Aperŋø na raanynyu cwïnya ki køør gïïa tïïyu ki ceŋŋu en, ni cïpu ko olämme mo wø waaŋ jï juu moa path Ijep, paana ööu yie kiper bëëtö? Manøgø, u thööra rou, nou tïmu ni uuna gïr acïëni, na gïr ajøøŋ dï wïth juurre bëët mo bäät piny.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 51:17

'Ba jiy bëët bëëdö ni wïthge bäŋ acaare, ni bäŋ gïn ŋäcge. Rëëm warkie, wïthge olää juuwi moa thiiwge, kiper juu moa thiiwge beege jap cwøk jaak, ni rege bäŋ jwïëy.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:4

Kanya mäthge, marge atïmö ni ge pwøya juu moa näk tïïc ka warkey, ki gwel-bïrö, ki jwïël, ki nywïënyö, ki jenni, ki kïte.

Ciik Kiper Dïlämme 17:7

'Ba jø Icriel ba doo poodø ni ge cïpö ko olämme jï juuga näk otïïö na kït ateea, ni marge gaan wøk kaawat man wø tïïc dhaaŋ paaci mo rïïŋö køør käp. Luubö manøgø put bëëte na ciik jïge na bäre bäre ki yïth beenhnhe moge.›

Mikiya 5:13

Aani, gïïa näk you tieŋø na gïï lam raanynya raanynyø, ni raanynya kïte moa näk you cwöth piny na gïï lam, kiper nee cøŋŋu ba këëllu piny këët nyïm gïïa tïïyu ki ceŋŋu.

Mathiew 21:32

Kiper Jøøn aö baŋu ni køpa jöör bëënynyö, ni käru jïëy ki mare. 'Ba mare ajïëc jø ajwäki ki kääpe. 'Ba uuni, këël na neennu gïnögø, cwïnynyu käru løø ni jïëyu mare.»

Moa Tïïc Nyïïatwieli 17:29

'Ba kawaane kiper mana nägø nyïï Jwøk, ba døø caarø ni Jwøk caala warkey, wala gwel-bïrö, wala kïdi, na gïn wø tieŋ dhaanhe ni ee päärö ki gïn mo ee caarø ki wïïe ki køør riek waŋ mare.

Moa Tïïc Nyïïatwieli 19:26

'Ba aneennu ni wïnynyu gø ni paa Epeca keere, 'ba päl Eecia ki kare bäre, jiy mo thööth anø pwöny Pøøløgø ni løø cwïnyge wøk, ki køør mana kööe, ni ‹Juu mo tïïc ka ceŋ, paa juu ma adïëri.›

Moa Tïïc Nyïïatwieli 7:41

Ni tïmge ki kït gïn wø lam mo caala nyirøøa yïth nïrögø ni cïpge ko olämme jïgø, ni mïn yïthge kiper gïïa tïïcge ki ceŋge.

2 Körin 12:21

A lwäär kiper kanyo cäŋa duu baŋu, Jwøk mara waŋa odøøc mo law nyïmmu, ni kïmma ki gïr jøø ni thööth no obääyö yøø, ni ge poot bëëdö ni cwïnyge ba løkge ki man wecge rääö, ki käp, ki jap laac wïc na tïïcge.

Tiet Ciik 31:29

Kiper ŋääa ni kanyo tïme na køør thøø mara, u tïïö ki gïï mo reyø, ni weyu luupa köömma uuni ki geni. 'Ba yi nyïme gïï mo reyø opäth bäätu, kiper gïïo tïïu beege gïï mo reyø nyïm Wuuö Jwøk. Wuuö Jwøk yie cwaatu cwaadø këël mano wëëre ki køør gïïo reyø noo tïïyu ki ceŋŋu.»

Tiet Ciik 32:17

Gena cïpö ko olämme jï juu mo reyø mo patha Jwøk ma adïëri, ni beege juu mo kucge dïkwøŋ, na juu mo nyärö mo jootge cään mo kär wøør kwäcge dïkwøŋ.

Tiet Ciik 4:28

'Ba uuno tïmö nou tïnynya juu møøk moa tïïc jiyi ki ceŋge kaace, ni beege jenni ki kïte mo otieŋø na juu, ni juu mo ba räŋö, ni ba wïnyö, ni ba cämö, ni bäŋ gïn mo ŋwääi jïge.

1 Timöthi 4:1

'Ba kawaane, ocaan Jwïëc Jwøki møn ni noo tïm kar aŋuun piny ni cään, jø møøk ŋäädhe marge owecge ki køør mano cekge ïthge jï juuk atade ki pwöc anäge,

Mana Nyooth 15:1

Kanyøgø ŋïï mør mo dwøŋ døc na gïn mo rëëma ec aneena maal, ni beege nyïïatwiet maal abïriiø mo käära teeŋ jap räny piny abïriiø moo näk aŋuudi. Kiper gïïögø beeye geni noo ŋuut wëëc Jwøki ki ge.

Mana Nyooth 16:8

Ni ö ŋweer nyïïatwiet maalli ni køny kuura mare bäät cäŋ, ni wëëgi man waaŋ jiy ki maac.

Mana Nyooth 9:19

Kiper 'näk mar okwëënyi atïmö ni ena dhøkge ki jïpge. 'Ba jïpge caala thwöre ni da wïdhi, ni ge räänyö ka ge.

Mana Nyooth 9:21

Ni cwïnyge kärge løø ki 'näk marge man wø 'näkge jiy, wala thïëth marge, wala käp marge, wala käw marge.