Mana Nyooth 9:2 - Wëël Jwøk

² Ni jap dhi buura näk bäye bäŋ cuŋŋe. Ni ö jïrö wøk ki dhi buur manøgø, mo caala jïc maac mo päl døc. Ni ö maalli ki cäŋ ni døøyi muudhö ki jïyögø na ö wøk ki dhi buurögø.

Mana Nyooth 9:2 Iomraidhean Croise

Wïlöölö 15:17

'Ba kanya päth cäŋŋi, piny atïmö ni cøl døc, ni ö maaci mo duuŋ yi dak ka ameet mo liel ni pööthge ki dïër yïthakic thäk lääya näk oŋørø ki dïge.

Wïlöölö 19:28

ni neen ya amät piny, ni joot Cødam ki Gømöra, ki gøli moa en ŋøøpøgø bëët, ni jïrö mo dwøŋ døc nyäälö bäätge ni caala jïc dwaar.

Bwøth Wøk 19:18

Kar kanyøgø Kïn Caynay atïmö na jïrö bäre, kiper mana ö Wuuö Jwøki na ö bäät kïdi manøgø ki maac. Ni put jïrö tïmö ni nyäälö bäät kïdi kaamar jïc dwaar, ni ö kïdi manøgø bäre ni put tïmö ni jäŋŋi døc.

Aydheea 14:31

«Wui, dhi kiir, gööï ko oduuru! Wui, pääny, jwöŋï! Wui, u na jø Pilitin bëët, dëëtu kwanynye ki lwär! Kiper jïrö aöö ki wï-piny, ni beege jø leny mo dëëtge ege nø jek.

Daniel 3:6

'Ba ŋato ba këël cøŋŋe piny ni wøør gø, eni put ka leeŋ yi maac mo orubö ni wärri.»

Jool 2:10

Kanyo poode dïkwøŋ, piny ree di jäŋö nyïmge, ni ö maalli ni tïme ni kwanynyi, ni ö cäŋŋi ki dwääy ni tïmge ni cøl, ni ö ceerri ni ba rienyge këët.

Jool 2:2

Ni beeye cäŋ mo piny tïmö ni cøl, ni piny dhïïth, na cäŋ mo piny najïïm na lwøc, ni piny cøl døc. Bäänyö mo caala lwaa dhaanhø mo päl mo teek öö, ni dëëtge ege peerø ni caala man wø ö tiet cäŋŋi mo amöölla ni wø nëënge ni rege ege peerø ki bäät kïte, mo bäŋ teeŋe mo okwøŋ tägö mo caala gø, ni bäŋ teeŋe mo cäŋ tägö këët køør gø yïth cwiiri mo beenhnhe mo oööi.

Jool 2:30

«Aani, a nyuuthö ki gïï mo rëëma ec maal ki piny, ni beeye remø, ki maac, ki jïrö mo onitul.

Moa Tïïc Nyïïatwieli 2:19

'Ba gïï mo rëëma ec onyoodha maal, ni ö ŋïïce ni nyoodha ge piny, ni beege remø ki maac ki jïc maac.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 16:10

Ni ö bïï nyïïatwiet maalli ni køny kuura mare bäät wäl Lääy. Ni tïm buye na muudhö. Ni ö jiyi ni kaacge lakge kiper dëëtge na baŋŋi.

Mana Nyooth 8:12

Ni ö ŋweer nyïïatwiet maalli ni kooth tuuŋ mare. Ni ö dää thääŋö mar cäŋ, ki dää thääŋö mar dwääy, ki dää thääŋö mar ceer ni gøøi, ni tïm dää thääŋö mar tar moge na muudhö. Ni ö dää thääŋö mar dïcäŋöca ni mäni ki man tïme ni leer, ni ö dää thääŋö mar wäär thuwø ni tïïi na enøgønø.

Mana Nyooth 9:1

Ni ö bïï nyïïatwiet maalli ni kooth tuuŋ mare, ni jooda cëërö mør mo opänh piny ki maal. Ni muktää mar buura näk bäye bäŋ cuŋŋe omëëk eni.

Mana Nyooth 9:11

'Ba nyeya marge beeye nyïïatwiel mar buura näk bäye bäŋ cuŋŋe, ni nyeŋŋe ki dhi Ibaru cwøl na Abadøn, 'ba ki dhi Gïrïïk cwøl ni Apølïën, na näk tiere beeye Dïräänyi.

Mana Nyooth 9:17

'Ba man en beeye gïna jooda kanya neena okwëënyi ki yi lääk. Ni jøøa en bäätge ge käära kööt käw mo kïtge caala maac mo kwaar, ni caala kït abïcøle ki kïdö ma abäga. 'Ba wïth okwëënyi caala wïth ŋuuwe, ni maac, ki jïrö, ki jïrö mør mo keec ni lïëth døc bëëdö ni ööa wøk ki dhøkge.