Mana Nyooth 7:17 - Wëël Jwøk

¹⁷ Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»

Mana Nyooth 7:17 Iomraidhean Croise

Aydheea 12:3

Kiper manøgønø, yïthu omïnni kanyo jootu pïëm ki baŋ Wuuö Jwøk, kaawat man wø mïn yi dhaanhø ki pïï mo wø kwönni ki yi jøøro.

Aydheea 25:6

Wuuö Jwøk, eni na wïth jammi bëët, tïïö ka atïya bäät kïdi man jï wïth juurre bëët mo bäät piny; 'ba atïya mano tïïe beeye køøŋ nyïïomøki mo met, ki rïŋ mo lääy mo cuu moge päŋ ki mädhi, ki køøŋ nyïïomøki mana luy na met.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Aydheea 30:19

Wui, u na jø Dhayan, ni wø bëëdö yi Jerucalem, u ba jwöŋi këët. Kiper ka adïëri møn, eni na Wuuö Jwøk mëër mare nyoodhe nyoodhø jïïu kany wø jwöŋu nyïme kiper køny; ni kany wø wïny oduuru maru jaak, pïëc maru pute ka løk.

Aydheea 30:25

'Ba noo tïme na ri cäŋ man tïïc 'näk mana dwøŋ yie, kanyo päth uut koorri moa no ogeerø ni ena maal, wïth kïte moa bäyö bëët ki wïth thuuri moa bäyö bëët ocööt ki nyeŋ näm mo muulö ki pïï.

Aydheea 35:10

'Ba jøøa wïïl Wuuö Jwøki wøk, geno duui, ni öge yi Dhayan ni ge wär ki dudi ni yïthge met, ni ö met eci marge ni bëëde na bäre bäre, kaamar aduda mo okïth wïc; ni bëëtge ni ge kanynyø ni yïthge met, ni ö kïmmö ki cooyø ni aae bäätge.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 49:9

ni kööï jï jiy moa no omaaø ki tøŋ, ni ‹Dunynyu wøk,› ni kööï jï jiy moa en yi muudhö, ni ‹Nyoothu rou.› Geno bëëdö kaamar dïëk mo cämö ni yïthge met jaak thäk nyeŋ jïëthe, mo cam marge jootge bäät thuuri moa leer.

Aydheea 51:11

'Ba jic Wuuö Jwøk na näk ee wïïl wøk geno duui, ni dønyge yi Dhayan ni ge wär ki dudi, ni ö met eci marge ni bëëde wïthge kaamar aduda na bäre bäre. Geno bëëdö ki met ec ki kanynyø, ni ö kïmmö ki cooyø ni daakge rege buutge.

Aydheea 60:20

Cäŋ obëëdö ni ba pädhi bäätï, ni bëët dwääyi ni ba ci muudhö; kiper a na Wuuö Jwøk, a tïmö na tar marï mano bëëdö na bäre bäre, ni ö nïr kïmmö moï ni thumge.

Aydheea 65:19

Aani yia omïnni ki Jerucalem, ni tïm yia ni met ki jiy 'moa; ni tïm jwøk thøø ko oduuru ni ba wïnynyi yie këët na bäre bäre.

Jeremaya 2:13

Kiper jiya atïïö ki teeŋ raay ariiø; aana wecge, a na näk jøøro mar pï kwøw, ni kunyge ka aguule kiper dëëtge, na aguule mo laara cöötö ki kääk, mo bäŋ pïï mo mägi yïthge.» Luummögø caana Wuuö Jwøki.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Mathiew 2:6

«ni ‹Ï na Bethelem ni en yi ŋööm Juuda, karï ba thiinh dï mïëc Juuda, kiper bee ïïni noo ö dïbwödhi ki riï, ŋato gwøk jiya ma jø Icriel.› »

Mathiew 5:4

«Gwïëth en bäät jø wø kïmmi, kiper cwïnyge di cømø.

Jøøn 10:11

Aana dïkwääy mana näk adïëri. 'Ba dïkwääy mana näk adïëri jwïëye cïbe cïbö kiper dïëk.

Jøøn 10:14

'Ba aani, aana dïkwääy mana näk adïëri. Ni moa näk 'moa ŋääa, ni ö 'moa ni ŋäcge aani,

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:11

'Ba dhaaŋŋøgø aköö jïre, «Kwäärö, jïrï bäŋ gïrpiny mo diï töömmö ki gø, kiper iith man bäär. ?Pï kwøw a diï gø kälö ki kaa?

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

Mana Nyooth 21:22

'Ba bäŋ Øt Jwøk mo yaa joodø paanøgø, kiper Øt Jwøk mare beeye Kwäärö Wuuö Jwøk na en teeki jïre ge ki Nyidiel.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»

Mana Nyooth 21:6

Ni kööe jïra, na «Aløny nø. Aana Alpa ni näga Omëëga, ŋata nut wïlöölö ni näga cuŋŋe. 'Ba jø wø dëëtge da riew omooa ki pïï mo ba ŋeew mo käla yi jøøro mar pï kwøw.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.