Mana Nyooth 7:14 - Wëël Jwøk

¹⁴ Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Mana Nyooth 7:14 Iomraidhean Croise

Jööp 11:16

Ka adïëri møn, wïïï 'owïl ki gïna leth na jwørï, ni kwaanï gø kaamar pïï ni wø kwönni ni puta pöödhö.

Bwøth Wøk 37:3

Ni thïïe ko oguudi aŋween mo warkey kiper acanduk, ni kïth ge tiete karge ŋweeri; no oguudi ariiø ena løøk aciel man, no oguudi ariiø møga ena løøk maya.

Aydheea 1:18

Wuuö Jwøk aköö, ni «Ennø, ööu nøø dwätø na aciel ri luubö. Këël na bëëde ni raay mou kwayø kaamar remø, di tïïö ni tar ni caala piiø, këël ge doo kwayø døc, di tïïö ni tar ni caala jïëc røømmø.

Daniel 11:35

'Ba jiy møøk røk jøøa wïthge leer, ge päänhnhö møn ki thøø, kiper nee jiy døøc mo waany, ni tar, ni tøŋ, këël kanyo pïïe ya aŋuunne. Kiper aŋuunne poot öö kanya no owäŋŋö.

Daniel 12:1

«'Ba noo tïme na kar kaace, Mikaël, eni na nyïïatwiel maal mana dwøŋ ni wø koor jø pou ma jø Icriel, dëëre di thïïŋö. 'Ba kar kaace tïmö na kar jwør gïï mo leth, na gïï mo poot kär kwøŋ tägö cøøn ki mana täge ki kanya täk wï jur këël kar kaace. 'Ba kar kaace jø pou moo nyeŋge joot no ogöör piny yi wëëlö, ge di piemø.

Daniel 7:16

Ni nyiiga buut dhaanhø aciel røk jiy mo cuŋŋö kaace, ni pëënynya eni ki tiet gïïögø bëët moa näk karge. Kanyøgø acaane jïra ni nyooth tier gïna cään gïïögø kiperge.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Mathiew 24:21

Kiper kar kaaca piny ojïti ki teeŋ gïï mo leth døc, mo kär kwøŋ tägö ki mana täge ki kanya cwääc piny këël kawaane en, ni bäŋ teeŋe mo cäŋ tägö këët na bäre bäre.

Maak 13:19

'Ba yïth nïrögø, piny ojïti ki teeŋ gïï mo leth mo kär kwøŋ öö këël kanya cak piny mana cwääc Jwøki, gøøc kawaane, ni bäŋgø mo cäŋ tägö këët na bäre bäre.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Thecalönika 1:4

Beeye ni töötwa kiperu yïth acook Jwøk en, kiper mana bëëdu nou teek nou ŋäädhö yïth gïïa caan uuni ki ge, ki moø ni leth ni poot jwørru yøø.

Ibaru 13:12

Kaawat manøgø thuwø, Jecu gïï mo leth ajwøre wøk ŋää kiir, kiper nee jiy tïïe ni ena kur keerge na mo Jwøk ki køør remme kiree.

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 15:2

Ni neena gïn mør mo nëëni keda naam mo dwøŋ mar wïlli mo orwöbö ki maac. 'Ba jøøa näk Lääy ege böötö, ki gïna näk ocwääö na caal kïte, ki kwäänö mar nyeŋŋe, ge cuŋŋa bäät naamøgø na mar wïlli enø, ni ceŋge da thøme moa wëëk Jwøki geni.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.