Mana Nyooth 7:13 - Wëël Jwøk

¹³ Kanyøgø jaa aciel aluupö ki aani ni kööe, ni «?Moø a jøøe, ni käädö ka abïïe mo tar yøø, na a kaa na kälge yie?»

Mana Nyooth 7:13 Iomraidhean Croise

Wïlöölö 16:8

Ni kö nyïïatwielli jïre, ni «?Eegar laŋ Caray, ï kälï kaa? ?Ï ciï kaa ŋø?» Ni dwøk gø jïgø, na «A päny wøk ki baŋ Caray ŋata tïnynya.»

Daniel 7:16

Ni nyiiga buut dhaanhø aciel røk jiy mo cuŋŋö kaace, ni pëënynya eni ki tiet gïïögø bëët moa näk karge. Kanyøgø acaane jïra ni nyooth tier gïna cään gïïögø kiperge.

Jøøn 7:28

'Ba Jecu na pööe Øt Jwøk Mana Dwøŋ, dwøre atïŋ maal døc, ni kööe, «Uuni, a ŋäyu. Ni ŋäyu kuna ööa ki yie. 'Ba aani, a kär öö ki wïïa, a keera. Eni na jääŋ aani beeye na adïëri, 'ba eni kuyu.

Moa Tïïc Nyïïatwieli 3:12

'Ba na ö Piterri na neen gïnögø, jøøgø aluumme, ni kööe, ni «?Jø Icriel, aŋø ni thäŋ yïthu ki gïn en, wala aŋø ni raŋŋu jïwa, kee ŋati wëëga wa wääth ki teek marwa wala karwa cään ki Jwøk?

Mana Nyooth 3:4

«'Ba ŋääa ni jïrï poot da jiy mo nøk yi Carda, jiy ma abïïkge kärge raanynyø. 'Ba geno cäädhi ki aani ka abïïe mo tar. Kiper geno rømø.

Mana Nyooth 4:10

jaae na näk pïërariiø kurŋween ge wø pätha nyïm eni na näk opï bäät wällögø, ni wøørge gø, eni ni wø bëëdö ni kwøw këël na bäre bäre, ni leeŋge adude moge nyïm wällögø, ni wärge,

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 5:11

Kanyøgø aana nëënnö, ni wïnynya dööt nyïïatwiet maal mo thööth døc døc, mo jïtö ki kume ma kume mo ena deŋ wälu bäre, ki deŋ gïïa kwøw, ki deŋ jaae,

Mana Nyooth 5:5

Kanyøgø dhaanhø aciel røk jaae aköö jïra, ni «Kärï jwöŋö. Ŋuur tuuŋ Juuda na løth ri Deebit, nyïïmänne adïïme. Løny jïre ki man jap wëëlö ki möönne karge bïriet.»

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.

Pïëmme 13:6

Køøre nyijøøgø aöö ni caan luummögø jï cwøre, ni kööe, ni «Da dhaanhø ma dhaanh Jwøk mo ree ee nyoodhø jïra, mo bëëtö mare caala nyïïatwiel maal mar Jwøk, ni di lwäyö ki eni. 'Ba kanya käl yie kära pëënynyö, këël nyeŋŋe thuwø käre caanø jïra.