Mana Nyooth 6:8 - Wëël Jwøk

⁸ Ni nëënna, ni jooda okweeny mør mo obwörö, mo bääte da ŋat mo nyeŋŋe Thøø, ni kar bëët jwïëc jøøa näk othøw cäädha køøre. Ni geno wëëk teek bäät ŋweer thääŋö mar piny, nee 'näkge ko opëëllö, ki meel, ki ŋwiili, ni wëëk geni 'näk dhøk cwëënyi mo owär.

Mana Nyooth 6:8 Iomraidhean Croise

Pwöc Leec Wïc 5:5

Teeŋ dhaaŋŋøgø, tiete cäätha baŋ thøø, ni kwör tiete cäätha kar bëët jwïëc jøøa no othøw.

Aydheea 25:8

Kwäärö Wuuö Jwøk thøø raanynye raanynyø na bäre, ni pooc pï nyeŋ jiy bëët, ni ö eni ni käl lään wïc wøk bäät jiye moa en bäät piny bäre; kiper luummögø caana Wuuö Jwøki.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 16:16

«Ennø, a na Wuuö Jwøk, a jääga baŋ jø maay mo thööth, ni maacge jiya kaawat man wø maac rec. Køøre a jääga baŋ jø dwaar mo thööth, ni dwarge jiya bäät kïte ki bäät thuuri ki kwöra näk gøøde yïth kïte.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 24:10

Aani, mänye ki käc ki täw mo leth jääŋŋa jääŋŋö bäätge, këël mano thumge ki thøø yi ŋöömma cïba jïge ki kwäcge.»

Jeremaya 29:17

Luumma caan Wuuö Jwøki, eni na wïth jammi bëët, beeye en, ena köö, ni «Ennø, leny ki käc ki täw mo leth jääŋŋa jääŋŋö bäätge, ni wëëga geni ränynyö kaamar nyïïolämmi mo odheeth mo ba løny ki cam kiper mana näk mo geno kwäk.

Jeremaya 43:11

Eni öö ni tuk Ijep, ni ö jøøa näk marge thøø ni thøwge, ni ö jøøa näk marge mäk ki tøŋ ni mak geni ki tøŋ, ni ö jøøa näk marge 'näk ni 'näk geni ko opëëllö.

Edhikiel 29:5

Ïïni ki rec näm moï bëët, uuno weta kany mo otal, ni päthu yi pwöla mo leer, ni bäŋ ŋat cooŋ uuni wala koonya uuni. Uuno tïïa na cam jï lääc paap ki wec maal bëët.

Edhikiel 5:12

Dää thäk jiy moï geno thøw dïërï ki täw mo raac ki käc, ni ö dää thäk jiyï møga ni näk geni ko opëëllö ŋää kiir marï, ni keetha dää thäk jiyï møga yïth tuk piny, ni puta køørge ŋwiec døc ko opëëllö.

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Abakuk 2:5

Maya thuwø, køøŋø jø atöör wø di cøøgø, ni bëëtge ni ge ba jwöm. Geni cwïnyge ege daadø ni päl kaamar bwör, ni caala thøø ni wø ba köö ni ena rømø. Geni wïth juurre bëët wø lemge lemø na moge, ni ge cooŋa jiy bëët kanya ciel na moge.

Dhekaraya 6:3

ni dääge tuta okwëënyi mo tar, ni ŋweerge tuta okwëënyi mo rege da kït ma apøøl. 'Ba geni bëët ge teek døc.

Mathiew 11:23

?Aŋø, ï na Kapernaam, iï caarø niï doo røønyø maal? Beeye kar ajäla noo leeŋ ïïni yie. Kiper doo naa tïïe moa døøŋŋø na tïïc jïrï, tïïca Cødam, paanøgø doo poodø ni nut këël dïcäŋi en.

Mathiew 24:7

Kiper paac mør dëëre othïïŋe ri paac mør, ni ö nyeya mørri ni thïïŋ ree ri nyeya mør, ni jït mïëri mo thööth ki meel, ni tïm kwör mo thööthi ni jäŋŋi.

1 Körin 15:55

«?Wui, ï na thøø, teek marï en kaa? ?Wui, ï na thøø, kac marï age eni?»

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 12:4

Ni gøøc dää thäk ceec maal ki jïbe ni lëëŋ ge piny. Ni ö thwörögø ni cuŋŋe nyïm dhaaŋŋa kare cään ki lwaar, nee nyi gø løønye kanyo lwaare ki gø.

Mana Nyooth 9:15

Kanyøgø nyïïatwietøgø karge ŋweeni gena pät, geni na näk ojiiŋŋø kiper yi caannøca, ki dïcäŋöca, ki dwäänöca, ki cwiinøca, nee dää thäk jiy 'näkge røk jø bäät piny bëët.

Mana Nyooth 9:18

Ni ö dää thäk jiyi moa en røk jø bäät piny bëët ni nääi ki gïïo na jap räny piny moø na adäk yøø, ni beeye maac, ki jïrö, ki jïrö maya mana keec ni lïëth døc na bëëdö ni ööa wøk ki dhøkge.