Mana Nyooth 6:14 - Wëël Jwøk

¹⁴ Ni ö maalli ni rwäänye keda mar wëëlö mo di dølø. Ni ö kïte bëët ka acuule ni daai kwörge.

Mana Nyooth 6:14 Iomraidhean Croise

Aydheea 34:4

'Ba gïïa en maal bëët oraanynyi, ni ö maalø ni bani kaamar warakata; ni ö jap maalli bëët thuwø ni øcge piny kaaman wø øc bøøk jer omøki piny, wala man wø øc bøøk olaammi piny.

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Jeremaya 3:23

Ka adïëri møn, wa cøøga rewa jaak ki mana tïïwa ki kwör lam bäät thuuri, ni 'näkwa rewa ki dïlweel bäät kïte. 'Ba ka adïëri møn, ï na Wuuö Jwøk, Jwøk marwa, beeye ïïni noo piem waani, wa jø Icriel.

Jeremaya 51:25

«Wui, Babiløn, ï na teek kaamar kïdi, na raany piny bäre; ka adïëri møn, a na Wuuö Jwøk, mara caana caanø dëërï, ni bëët cera ni ena dëërï, ni ŋïëla ï piny ki bäät kïdi, ni wëëga ï waaŋ ni tïmï na bur.

Edhikiel 38:20

'Ba rec mo naama dwøŋ, ki wec maal, ki lääc paap, ki gïïa no ocwääö bëët ni wø muuli ki piny, ki jiy bëët moa en wï ŋöömö, dëëtge otïmö ni kwanynyi nyïma. Kïte rege ojaalge, ni ö aleye ni ŋaarge, ni ö kiiri ni pänhge piny yïth ŋøøm.

Neeyam 1:5

Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Abakuk 3:6

Ena cuŋŋö ni ree ee jiiø ni nëëk piny, ni räŋŋe ni jäŋ wïth juurre, ni ö kïte na käl piny cøøn ni øcge piny, ni ö thuuri na nut cøøn ni nigemwøny piny. Eni uutjïëth tïïe moe nut ki mana cääŋŋe.

2 Piter 3:10

'Ba Cäŋ Kwäärö oööi ni caala kuu, 'ba kanyøca maal oränynyi ni lwöre ki lwör mo päl døc, ni ö jap maalli ni raanynyi ya maaci, ni ö pinynyi ki japa en yie bëët ni waaŋ ge.

Mana Nyooth 16:20

Ni ö acuule bëët ni reŋge, ni bäŋe ya kïdi mo joot.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 21:1

Kanyøgø maal mør mo nyään ki piny mo nyään aneena. Kiper maal mana dïkwøŋ ki piny mana dïkwøŋ aay, ni bäŋ näpa døøŋŋø këët.