Mana Nyooth 6:13 - Wëël Jwøk

¹³ Ni ö ceerri mo maal ni pänhge piny, keda mar olaam wø øc nyïïe piny ka arïïa, kany wø jäŋi ya jame mo teek.

Mana Nyooth 6:13 Iomraidhean Croise

Jööp 15:33

Eni tïmö kaamar jaath omøk mo nyïïe opäth piny ni kar ciek marge poodi; ni tïme thuwø kaamar jaath mo obøøc mo kär thiiw.

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 33:9

Ŋöömö jwöŋö ni kïmme; ni ö lur Libaanø ni lää wïïe ni tale; goor Carön tïmö kaamar paap ma tëën; ni ö jenni mo ŋööm Baacan ki mo Kïn Karmël ni øc bøøge moge piny.

Aydheea 34:4

'Ba gïïa en maal bëët oraanynyi, ni ö maalø ni bani kaamar warakata; ni ö jap maalli bëët thuwø ni øcge piny kaaman wø øc bøøk jer omøki piny, wala man wø øc bøøk olaammi piny.

Aydheea 7:2

'Ba kanya caani jï dhi øt Deebit, ni køp, ni «Jø Aram twïër marge anø tïïcge yi ŋööm Ipariem,» nyeya ma Eeyeth ki jiye cwïnyge abwøk døc, ni tïme kaawat man wø ö jer lulli wø jäŋi ya jamø.

Edhikiel 32:7

'Ba kanyo raanynya ïïni, maal puta ka rïëp, ni tïm ceerri ni cøl. Cäŋ ogëëŋa ki pøøl, ni ö dwääyi ni ba cïpe ki tar.

Daniel 4:14

Ena rëëdö døc ni caan luupi ii: ni ‹Ŋødu jaadhøgø piny, ni ŋøøru bäädi moe; lweerru bøøge moe, ni kethu nyïïe. Beerra man aac lääc paapi tiere, ni ö wenynyi ni aacge bääte.

Daniel 8:10

Ena døøŋŋø këël mana put këët ri lwaa gïïa en maal, ni ö lwaa gïïa en maalli møøk ki ceer møøk ni leeŋ ge piny ni nyør ge.

Jool 2:31

Cäŋ ree di wiilø ni cøl, ni ö dwääyi ni tïme na remø, kanyo poode ni cäŋa dwøŋ mara, a na Wuuö Jwøk, cäŋo täk lwärri yie poot kär öö.

Neeyam 3:12

Kiiri mo pääny moï moa no ogeerø ni teek tïmö ni caala olaam mo nyïïe ociek, mo noo kenyi, nyïïe puta päth piny ni puti leeŋ dhøk.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Maak 13:25

‹ni päänh ceerri ki maal,› ni ö gïïa näk jïge da teek maal ni jäŋi.

Luk 21:25

«'Ba dëër cäŋ ki dwääy ki ceer ojïti ki ŋïïce; 'ba yi pinyi en, mïëri ojïti ki bëëtö mo leth, ni thäŋ yïthge ki lwör mar naama dwøŋ ka athage.

Mana Nyooth 9:1

Ni ö bïï nyïïatwiet maalli ni kooth tuuŋ mare, ni jooda cëërö mør mo opänh piny ki maal. Ni muktää mar buura näk bäye bäŋ cuŋŋe omëëk eni.