Mana Nyooth 6:11 - Wëël Jwøk

¹¹ Kanyøgø ŋati man nø amooc ka abïï mo tar mo røøe, ni köömmi ni cäŋge bëëtö ki kany mo thiinh, këël mano päŋ kwään nyïïmëëkge, jø wø tïny Krictø ki geni na aciel moo 'näk kaamar marge.

Mana Nyooth 6:11 Iomraidhean Croise

Daniel 12:13

«'Ba ïïni, cäädhï ki jöörï këël aŋuunne. Køøre ï cøøa kar jwöm mar thøø. 'Ba noo tïme na aŋuun piny, ï tïŋa maal ni jootï kurï mano mëëk ïïni.»

Mathiew 10:21

'Ba cöögö coki okïth yi thøø, ni ö wuue ni kïth nyaare yi thøø. 'Ba obwöre rege othïïŋge ri jøøa nywøl ge, ni kïthge ge yi thøø.

Luk 15:22

'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

2 Thecalönika 1:7

ni cïp jwömö jïïu ki waani bëët, u ni en yïth gïï mo leth enø, kanyo nyooth Kwäärö ma Jecu ki maal, ki nyïïatwiet maal moe na teek, ki yi maac mo liel,

2 Timöthi 4:7

Aana këëdö ki leny ma wøp, ni thööra ŋwïëy mara, ni gwøa ŋäädhe.

Ibaru 11:40

kiper mana tïme ni da gïn mør mo beerra eni mo ŋäc Jwøki kiperø, ki man näk mo ge ba thur karge ni ø tøør.

Ibaru 12:23

ki jø Jwøk moa näk ojierø na caal kaai, jøøa näk nyeŋge ogöörö maal. Uuna ö baŋ dïŋut luup na näk Jwø jøw bëët, ki baŋ jwïëc jøøa beyø na näk otïïö no othur karge,

Ibaru 4:10

Kiper ŋat wø ci kar jwöm Jwøk, tïïe moe wø wiie wiiø thuwø, kaamar Jwøk na jwöm ree ki tïïe moe.

Mana Nyooth 10:6

ni kööŋ ŋëët ŋat wø bëëdö ni kwøw këël na bäre bäre, eni na cwääc maal ki piny ki gïïa en yïthge bëët, ki näpa døøŋŋø ki gïïa en yïthge, ni kööe, ni «Doo bäŋ gaalø këët,

Mana Nyooth 13:15

Ni eno wëëk man mooc kït Läänögø na näk ocwääö ki jwïëy, kiper nee kït Läänögø tïme ni cäänö, nee jø wø ba wøør kït Läänögø 'näk.

Mana Nyooth 14:13

Ni wïnynya dwøl mør mo ööi ki maal, ni kööe, ni «Göör gïn, ‹Køør man ennø gwïëth en jï jø wø thøw ni ge ena ri Wuuö.› » Ni kö Jwïëc Jwøki, ni «Gena gwïëth møn, kiper nee dëëtge jwömge ki öölö marge, kiper tïïe moge cäädhi ka geni na aciel.»

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.

Mana Nyooth 7:9

Køør gïïögø aana nëënnö, ni jooda lwaak mo päl døc, mo bäŋ ŋat mo maar lønyø jïre ki man kwaan geni, ni ööi ki yïth mïëri bëët, ki røk tuŋi bëët, ki røk jiy bëët, ki teeŋ dhøgi bëët, ni ge cuŋŋa nyïm wälu ki nyïm Nyidiel, ni geno ruyö ka abïïe mo tar, ni ceŋge da bäät twöe.