Mana Nyooth 6:1 - Wëël Jwøk

¹ Kanyøgø aana nëënnö kanya ö Nyidielli na jap mööni aciel røk möönne abïriiø, ni wïnynya dwør aciel røk gïïa kwøw karge ŋweeni, ni cäänni ka dwøl mo keda määc køth, ni kööe, ni «Ööï.»

Mana Nyooth 6:1 Iomraidhean Croise

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Moa Tïïc Nyïïatwieli 4:20

Kiper waani mana jootwa ki mana wïnywa ba maarwa wec ki caan.»

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 14:2

Ni wïnynya dwøl mør mo ööi ki maal mo caala lwöc pïï mo thööth, ni caala dwør køth mo määr døc. 'Ba dwønøgø na wïnynya gø atïmö ni keda dööt thøme mo pwöta jiyi.

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

Mana Nyooth 5:1

Ni neena wëëlö cer cwïï ŋata näk opï bäät wälu, mo yie ki ŋääe ogöörö, mo omwönö ki möönne abïriiø.

Mana Nyooth 5:12

mo köö ki dwøl mo päl, ni «Røma Nyidiel na 'näk, ki man wëëk teek eni, ki kwär, ki leec wïc, ki dööŋ-kar, ki wödö, ka ajiem, ki pwøc.»

Mana Nyooth 5:8

'Ba na nø lwør wëëlö, gïïa kwøw karge ŋweeni ki jaae na näk pïërariiø kurŋween gena päth nyïm Nyidiel, ni ŋati man nø cere da thoom ki kuura ma warkey mo päŋ ki gïï wø jïcge ŋwääi ni met, na näk laam mo jø Jwøk.

Mana Nyooth 6:3

'Ba na ö Nyidiel na jap riet möönne, dwør riet gïïa kwøw awïnynya, ni köö, ni «Ööï.»

Mana Nyooth 6:5

'Ba na ö Nyidiel na jap dää möönne, dwør dää gïïa kwøw awïnynya, ni köö, ni «Ööï.» Ni nëënna, ni jooda okweeny mør mo cøl, mo bääte da ŋat mo cere da rumi.

Mana Nyooth 6:7

'Ba na ö Nyidiel na jap ŋweer möönne, dwør ŋweer gïïa kwøw awïnynya, ni köö, ni «Ööï.»

Mana Nyooth 8:1

Kanyøgø na ö Nyidielli na jap bïriet möönne, maal anibäc ki kany mo jïtö ki thääŋ caa.