Mana Nyooth 5:9 - Wëël Jwøk

⁹ Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Mana Nyooth 5:9 Iomraidhean Croise

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Daniel 3:4

Køøre nyïïatwiel marge luubö aput gøø piny ni dwøre ena maal: ni «Wui, u na wïth jiy ma teeŋi, ki u na wïth juurre, ki u na wïth dhøgi, man beeye gïna kööm uuni ki gø nou tïïyu:

Daniel 4:1

Aani na nyeya ma Nabukedenecör, man beeye dwøra kiper wïth jiy, ki wïth juurre, ki wïth dhøgi, jø wø bëëdö bäät piny bäre: Bëët-mëër opälli jïïu.

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 6:25

Køøre nyeya ma Dariöc aput gööt baŋ wïth jiy ki wïth juurre, ki wïth dhøgi, jø wø bëëdö yi ŋöömö bëët, ni kööe, «Bëët-mëër opälli jïïu!

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Mathiew 26:28

Kiper man beeye remma mar luumma tuut ki jiy, nee køny piny kiper jiy mo thööth nee raay wëënni.

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

1 Körin 7:23

'Ba uuni, u ŋeew ka gïn mo pere leth. Käru tïmö ni uuna laak jiy.

Epeca 1:7

Ni beeye ki køøre na wïïl øøni wøk ki køør remme, ni wec moa dhalø ki met yie na dwøŋ

Epeca 5:19

ni cäänu ki røgu nou cäänö ka ri Dut Pwøc, ki dut Jwøk, ki dut met ec mo wø wär ki ri Jwïëc Jwøk, nou wära dudi mo met jï Wuuö ki cwïnynyu bäre,

Köløcia 1:14

Ni beeye ŋata wiil øøni, ni wec raay 'moø ki køøre.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Ibaru 11:14

Kiper jø wø cäänö na enøgønø, wø nyootha gø ni ge manynya kany mo tïmö na poge.

2 Piter 2:1

'Ba da nyïïkuk Jwøk mo patha adïëri thuwø mo røkge ege thïïŋö dï jiy, kaawat mano ö dïpööye mo patha adïëri noo thïïŋge rege dïïu, jøw okäl teeŋ pwöc ränynyö baŋu ki jöö mør. Këël Kwäärö ma Jecu okwierge, ŋata ŋeew geni, ni ge käla ränynyö mo laara ö bäätge.

1 Jøøn 1:7

'Ba ni näk mo ø cäädha yi tar, kaawat mare ni en yi tar, øøno dwätö karøbëët, ni rem Jecu na näk Wääde penya øøni yïth raay bëët.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

Mana Nyooth 10:11

Ni kööm aani, ni «Gïr jiy mo thööth mo poot ena nyïm ki gïr mïëri, ki gïr dhøgi, ki gïr nyeye, ocäŋï køpø.»

Mana Nyooth 11:9

'Ba jiy oööi ki røk tuŋi, ki wïth juurre, ki dhøgi, ki yïth mïëri, ni neetge dëët jøøgø na näk othøw ki nïne adäk ki thääŋö, ni kwierge geni ki man kïth geni yi kää.

Mana Nyooth 13:7

Ni eno wiiø ki man këëde ki jø Jwøk thuwø nee jø Jwøk bööte. Ni eno mooø ki teek bäät wïth tuŋi bëët, ki wïth juurre bëët, ki bäät teeŋ dhøgi bëët, ki tiet mïëri bëët.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 17:15

Ni kö nyïïatwiel maalli jïra, ni «Pïïa jootï na näk kääbi opï bäätge gena wïth juurre ki lwaae, ki mïëri, ki dhøgi ma teeŋi.

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 5:12

mo köö ki dwøl mo päl, ni «Røma Nyidiel na 'näk, ki man wëëk teek eni, ki kwär, ki leec wïc, ki dööŋ-kar, ki wödö, ka ajiem, ki pwøc.»

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.